Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 80;1-19

Ẹnọ adausụn̄ ke Mme Ekpon̄idịm.+ Editi. Eke Asaph.+ Ikwọ. 80  O Andibọk* Israel, kpan̄ utọn̄,+ Afo emi adade Joseph usụn̄ nte otu ufene.+ O afo emi etiede ke mme cherub,+ yama.+   Wụt odudu fo ke iso Ephraim ye Benjamin ye Manasseh,+ Nyụn̄ dinyan̄a nnyịn.+   O Abasi, fiak da nnyịn;+ Nyụn̄ nam iso fo ayama, man ẹkpenyan̄a nnyịn.+   O Jehovah Abasi mme udịm, adan̄a didie ke afo edifụt esịt aban̄a akam ikọt fo?+   Afo amanam mmọn̄eyet edi udia mmọ,+ Onyụn̄ anam mmọ ẹn̄wọn̄ akpakịp mmọn̄eyet.+   Afo amanam mbọhọidụn̄ nnyịn ẹtọhọ ke ntak nnyịn,+ Mme asua nnyịn ẹnyụn̄ ẹsak nsahi nte mmọ ẹmama.+   O Abasi mme udịm, fiak da nnyịn;+ Nam iso fo ayama, man ẹkpenyan̄a nnyịn.+   Afo amanam vine adaha ke Egypt.+ Emebịn mme idụt efep, man afo ọkpọtọ enye.+   Afo emetịm itie ọnọ enye,+ man enye ọdọn̄ n̄kam onyụn̄ ọyọhọ isọn̄.+ 10  Mfụt esie ofụk mme obot, Mme n̄kọk esie ẹnyụn̄ ẹfụk mme eto cedar Abasi.+ 11  Enye osion̄o n̄kọk tutu ẹsịm inyan̄,+ N̄kpri n̄kọk esie ẹnyụn̄ ẹsịm Akpa.*+ 12  Ntak emi afo owụride mme ibibene itiat esie,+ Ntak emi kpukpru mbon oro ẹsan̄ade ke usụn̄ ẹbe ẹnyụn̄ ẹtetde enye?+ 13  Ayara edi ikọt ọwọrọ ke akai edita enye,+ Mme unam ikọt ẹnyụn̄ ẹda enye ẹbọk idemmọ.+ 14  O Abasi mme udịm, mbọk fiak di;+ Tie ke heaven sụk iso se nyụn̄ kpeme vine emi,+ 15  Ye eto emi ubọk nnasia fo ọkọtọde,+ Nyụn̄ se ban̄a eyen emi afo anamde ọsọn̄ idem ọnọ fi.+ 16  Ẹmefọp enye ke ikan̄, ẹsịbe ẹfep.+ Mmọ ẹtak ke nduari iso fo.+ 17  Yak ubọk fo odu ye owo ubọk nnasia fo,+ Odu ye eyen owo emi afo anamde ọsọn̄ idem ọnọ fi,+ 18  Ndien nnyịn idiwọn̄ọkede ikpọn̄ fi.+ Afo akpakam enịm nnyịn uwem, man nnyịn ikpokot enyịn̄ fo.+ 19  O Jehovah Abasi mme udịm, fiak da nnyịn;+ Nam iso fo ayama, man ẹkpenyan̄a nnyịn.+

Mme Ikọ Idakisọn̄

At. Ed., “Ekpemerọn̄.”
Oro edi, “Euphrates.”