Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 76;1-12

Ẹnọ adausụn̄ ke ndido urụk. Eke Asaph.+ Ikwọ. 76  Ẹmefiọk Abasi ke Judah;+Enyịn̄ esie omokpon ke Israel.+   Ndien ataya esie odu ke Salem,+Ebietidụn̄ esie onyụn̄ odu ke Zion.+   Do ke enye obụn̄ idan̄ eke asakde ikan̄,+Otuekọn̄ ye akan̄kan̄ ye n̄kpọekọn̄.+ Selah.   Un̄wana omofụk fi idem, emenyene uten̄e akan obot emi unam emi ẹsibịnde ikọt ẹdụn̄de.+   Ẹmebụme n̄kpọsọn̄ owo,+Mmọ ẹmeyet idap,+Ndien owo ikwe ubọk mbon uko baba kiet.+   O Abasi Jacob, nduari fo anam awat chariot ye enan̄-mbakara ẹde ọkpọsọn̄ idap.+   Afo emenyene uten̄e,+Ndien anie ekeme ndida fi ke iso ke ntak odudu iyatesịt fo?+   Afo etie ke heaven anam ẹkop ubiereikpe;+Isọn̄ okop ndịk onyụn̄ odobo+   Ke ini Abasi adahade ke enyọn̄ ndikpe ikpe,+Man anyan̄a kpukpru sụn̄sụn̄ mbio isọn̄.+ Selah. 10  Koro ifụtesịt owo oyotoro fi;+Afo ayada nyọhọ-nsụhọ ifụtesịt ọbọbọ ke idem. 11  Ẹkan̄a ẹnyụn̄ ẹsio akan̄a ẹnọ Jehovah Abasi mbufo, kpukpru mbufo emi ẹdude ẹkanade enye.+Ẹda enọ ẹdi ye ndịk.+ 12  Enye oyosụhọde ntan̄idem mme adausụn̄;+Uten̄e esie odoro ndidem isọn̄.+

Mme Ikọ Idakisọn̄