Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 75;1-10

Ẹnọ adausụn̄. “Kûsobo.” Eke Asaph.+ Ikwọ. 75  Nnyịn imọnọ fi ekọm, O Abasi; nnyịn imọnọ fi ekọm,+ Enyịn̄ fo onyụn̄ ekpere.+ Mme owo ẹnyene nditan̄a mme utịbe utom fo.+   “Koro n̄kenịmde ini;+ Ami ntọn̄ọ ndikpe ikpe ke edinen ido.+   Isọn̄ ye kpukpru mme andidụn̄ ke esịt ẹyemede,+ Ami n̄kenen̄ede mme adaha esie.”+ Selah.   N̄kọdọhọ mme ndisịme owo nte: “Ẹkûdi ndisịme,”+ Nnyụn̄ ndọhọ mme idiọkowo nte: “Ẹkûmenede nnụk.+   Ẹkûmenede nnụk mbufo ke enyọn̄. Ẹkûtịn̄ ikọ ẹsọn̄ obotitọn̄.+   Koro edimenede mîtoho edem usiahautịn m̀mê edem usoputịn, Inyụn̄ itoho edem usụk.   Koro Abasi edi ebiereikpe.+ Enye osụhọde enye emi enịm, onyụn̄ emenede enye eken.+   Koro cup odude Jehovah ke ubọk,+ Wine ke onyụn̄ ofụt efot, mbuaha wine. Ndien enye iditreke ndin̄wan̄a ntak esie nduọk; Kpukpru mme idiọkowo ke isọn̄ ẹyedụhọde mmọ ẹn̄wọn̄.”+   Edi amaedi ami, nyobụk emi ke nsinsi; Nyọkwọ edinem ikwọ nnọ Abasi Jacob.+ 10  “Ndien nyokpok kpukpru nnụk mme idiọkowo nduọn̄ọ.”+ Nyemenede mme nnụk edinen owo ke enyọn̄.+

Mme Ikọ Idakisọn̄