Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 74;1-23

Maskil. Eke Asaph.+ 74  O Abasi, ntak emi afo otopde nnyịn ọduọk ke nsinsi?+ Ntak emi iyatesịt fo osụk asakde ye otu ufene fo?+   Ti esop fo emi afo ekenyenede anyan ini ko,+ Esien oro afo akafakde nte udeme fo,+ Kpa Obot Zion emi afo odụn̄de.+   Menede ikpat fo ka nsinsi n̄wụre.+ Asua amabiat kpukpru n̄kpọ ke edisana ebiet.+   Mmọ eke ẹsuade fi ẹmekụni ke ufọt ebiet usopidem fo.+ Mmọ ẹmewụk mme idiọn̄ọ idemmọ.+   Enye ọwọrọ idiọk etop nte owo emi emenerede ekụri ke enyọn̄ owot ọtọwọk ikọt.   Ndien, ke emi, mmọ ẹda ekụri ye hammer ẹbom kpukpru n̄kpọ emi ẹkapde ke esịt esie.+   Mmọ ẹmefọp edisana ebiet fo ke ikan̄.+ Mmọ ẹmesabade ẹnyụn̄ ẹwụri tent utuakibuot enyịn̄ fo ẹduọk ke isọn̄.+   Mmọ ye nditọ mmọ ẹdọhọ ke esịt mmọ ẹte: “Ẹnyene ndifọp kpukpru ebiet usopidem Abasi ke idụt emi.”+   Nnyịn ikwe mme idiọn̄ọ nnyịn; prọfet ndomokiet idụhe aba,+ Baba owo kiet inyụn̄ idụhe ye nnyịn eke ọfiọkde m̀mê edibịghi adan̄a didie. 10  O Abasi, adan̄a didie ke asua edisuene?+ Nte asua edisuene enyịn̄ fo ke nsinsi?+ 11  Ntak emi afo omụmde ubọk fo akama, kpa ubọk nnasia fo+ Emi afo okosiode ke ikpanesịt fo, ayakde nnyịn isịm utịt? 12  Ndien Abasi edi Edidem mi toto ko,+ Kpa Enye emi ọnọde akwa edinyan̄a ke isọn̄.+ 13  Afo ama etịmede inyan̄ ke odudu fo;+ Ama obom ikpọ unam mmọn̄ ibuot ke esịt mmọn̄.+ 14  Afo akanuak mme ibuot Leviathan+ mbai mbai. Ada enye ọnọ mme owo nte udia, ọnọ mbon oro ẹdụn̄de ke mme edisat ebiet.+ 15  Afo edi Enye emi akabaharede mme idịm ye usọpmmọn̄;+ Afo ama anam mme akpa emi ẹsiwetde kpukpru ini ẹsat.+ 16  Afo enyene uwemeyo; afo onyụn̄ enyene okoneyo.+ Afo akanam se inọde un̄wana, kpa utịn.+ 17  Edi afo ekenịm kpukpru mme adan̄a isọn̄;+ Ndaeyo ye ini etuep—afo akanam mmọ.+ 18  Ti emi: Asua emesuene, O Jehovah,+ Mme anana-ibuot owo ẹmemiom enyịn̄ fo.+ 19  Kûda ukpọn̄ mbomon̄kuku fo unọ unam ikọt.+ Kûfre uwem mbon ukụt fo ke nsinsi.+ 20  Tịn̄ enyịn ke ediomi oro okodiomide,+ Koro mme ebietidụn̄ afai ẹmeyọhọ mme n̄kịmn̄kịm ebiet ke isọn̄.+ 21  O kûyak owo eke anuahade afiak ye esuene.+ Owo ukụt ye ubuene ẹkpekam ẹtoro enyịn̄ fo.+ 22  Daha ke enyọn̄, O Abasi, kpe ikpe fo.+ Ti esuene oro anana-ibuot owo esuenede fi kpukpru usen.+ 23  Kûfre uyo mbon oro ẹsuade fi.+ Uyo mbon oro ẹdahade ẹda ẹn̄wana ye afo ke ọdọk kpukpru ini.+

Mme Ikọ Idakisọn̄