Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 73;1-28

Ikwọ Asaph.+ 73  Abasi ọfọn ye Israel, ye mbon oro esịt mmọ asanade.+   Amaedi ami, akayak esisịt ukot ekpefebede mi,+ Ikpat mi ama ekpere ndifiọnọde.+   Koro n̄kefịbede mme obụre mbụre ufụp,+ Ke ini n̄kụtde nte mme idiọkowo ẹtiede ke emem.+   Koro mmọ mîkopke ubiak n̄kpa;+ Idịbi mmọ ẹnyụn̄ ẹkponi.+   Mmọ ikam inyeneke mfịna nte owo,+ Mmọ inyụn̄ ibọhọ ufen nte mbon en̄wen.+   Ntre iseri etie nte n̄kpọitọn̄ mmọ;+ Mmọ ẹsịne afai ke idem nte ọfọn̄.+   Ubom anam enyịn mmọ ofụt;+ Mmọ ẹnam ẹkan se mmọ ẹkekerede ke esịt mmọ.+   Mmọ ẹsak nsahi ẹnyụn̄ ẹtịn̄ ẹban̄a se idiọkde;+ Mmọ ẹtịn̄ iseri iseri nte iditụkde owo.+   Mmọ ẹmenede inua mmọ ẹdori ke enyọn̄,+ Edeme mmọ onyụn̄ asan̄a akanade isọn̄.+ 10  Ntre enye ada ikọt esie afiak ken, Onyụn̄ osio mmọn̄ ọnọ mmọ ẹn̄wọn̄ ẹyụhọ. 11  Mmọ ẹnyụn̄ ẹdọhọ ẹte: “Abasi asan̄a didie ọfiọk?+ Nte ifiọk onyụn̄ odu ye Ata Edikon̄?”+ 12  Sese! Mmọ emi ẹdi mme idiọkowo emi ẹdude ke ifụre ke nsinsi.+ Mmọ ẹmenam n̄kpọ udu-uwem mmọ ẹwak.+ 13  Ke akpanikọ edi ke ikpîkpu ke nnam esịt mi asana+ Nnyụn̄ nyet ubọk mi ndiwụt ke nduehe.+ 14  Mmonyụn̄ mbọ ufen ofụri usen,+ Ẹnyụn̄ ẹnen̄ede mi kpukpru usenubọk.+ 15  Edieke n̄kpọkọdọhọde nte: “Ami nyobụk n̄kpọ eke etiede ntre,” Sese! ami n̄kpakanam n̄kpọ ke abian̄a Ye emana nditọ fo.+ 16  Ndien n̄kere man mfiọk n̄kpọ emi;+ Enye ekedi mfịna ọnọ mi, 17  Tutu ndidụk akwa edisana ebiet Abasi.+ N̄koyom ndifiọk ini iso mmọ.+ 18  Ke akpanikọ afo enịm mmọ ke mfọfiọnọ ebiet.+ Afo amanam mmọ ẹduọ ẹdụk nsobo.+ 19  O se nte mmọ ẹkabarede ẹdi n̄kpọ n̄kpaidem ke idaha kiet!+ Nte mmọ ẹsịmde utịt mmọ, nte mbabuat n̄kpọndịk anamde mmọ esịm utịt! 20  Nte ndap emi ẹfrede ke ẹma ẹkedemede, O Jehovah,+ Ntre ke afo edisịn mbiet mmọ ke ndek ke ini afo adahade ada.+ 21  Koro esịt ama ọdiọk mi+ Onyụn̄ abiak mi uyat uyat ke ekpụt,+ 22  Ndien mma nnana ibuot, n̄konyụn̄ n̄kemeke ndifiọk;+ Ami n̄ketie nte unam ke iso fo.+ 23  Edi ami ndodu ye afo kpukpru ini;+ Afo omomụm mi ubọk nnasia.+ 24  Afo ayada mi usụn̄ ke item fo,+ Ekem ada mi esịm ubọn̄.+ 25  Anie ke ami nnyene ke mme heaven?+ Baba owo en̄wen ke isọn̄ inyụn̄ inemke mi esịt nte afo.+ 26  Obụkidem mi ye esịt mi ẹmeyemede.+ Abasi edi akwa itiat esịt mi ye udeme mi ke nsinsi.+ 27  Koro, sese! mbon oro ẹdian̄arede ẹkpọn̄ fi ẹyetak.+ Afo udutreke ndisobo kpukpru mmọ eke ẹkpọn̄de fi ẹkenam oburobụt ido.+ 28  Edi amaedi ami, ọfọn mi ndisan̄a n̄kpere Abasi.+ Ami mmada Jehovah, Akakan Ọbọn̄ Andikara, ke ebiet ubọhọ mi,+ Man ntan̄a kpukpru utom fo.+

Mme Ikọ Idakisọn̄