Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 72;1-20

Aban̄a Solomon. 72  O Abasi, nọ edidem mme ibet fo,+ Nyụn̄ nọ eyen edidem edinen ido fo.+   Enye akpakam ekpe ikpe ikọt fo ke edinen ido+ Onyụn̄ ebiere edinen ikpe ọnọ mbon ukụt fo.+   Yak ikpọ obot ẹda emem ẹsọk mme owo,+ N̄ko ye n̄kpri obot, ke edinen ido.   Yak enye ekpe ikpe mbon ukụt,+ Yak enye anyan̄a nditọ ubuene, Yak enye onyụn̄ anuak owo utụk.   Mmọ ẹyebak fi adan̄a nte utịn odude,+ Ye ke iso ọfiọn̄ ke ofụri emana.+   Enye eyedep nte edịm ọduọhọ ke mbiet emi ẹtemde,+ Nte ọkpọsọn̄ edịm emi ebịtde isọn̄.+   Edinen owo ayafiari ke eyo esie,+ Ndien ediwak emem oyodu tutu ọfiọn̄ idụhe aba.+   Enye oyonyụn̄ akara mme owo ọtọn̄ọde ke inyan̄ kiet tutu esịm inyan̄+ en̄wen Onyụn̄ ọtọn̄ọde ke Akpa*+ tutu esịm utịt isọn̄.+   Mme andidụn̄ edisat ebiet ẹyenụhọ ke iso esie,+ Ndien mme asua esie ẹyenyụn̄ ẹdei ntan.+ 10  Ndidem Tarshish ye eke mme isuo+ Mmọ ẹyekpe utomo.+ Ndidem Sheba ye eke Seba— Mmọ ẹyeda enọ ẹdi.+ 11  Ndien kpukpru ndidem ẹyeduọn̄ọ ke isọn̄ ẹnọ enye;+ Kpukpru mme idụt, ẹyenam n̄kpọ ẹnọ enye.+ 12  Koro enye ayanyan̄a ubuene emi esemede oyom un̄wam,+ Ye owo ukụt ye owo ekededi emi mînyeneke andin̄wam.+ 13  Enye ayatua usụhọde owo ye ubuene mbọm,+ Oyonyụn̄ anyan̄a ukpọn̄ mme ubuene.+ 14  Enye ayafak ukpọn̄ mmọ osio ke ufịk ye afai, Ndien iyịp mmọ ọyọsọn̄ urua ke enyịn esie.+ 15  Ndien yak enye odu uwem,+ yak ẹnyụn̄ ẹnọ enye ndusụk gold Sheba.+ Yak ẹnyụn̄ ẹbọn̄ akam ẹban̄a enye kpukpru ini; Yak ẹtoro enye kpukpru usen.+ 16  Uwak n̄kpasịp ẹyedu ke isọn̄;+ Ọyọyọhọ ọduọhọ ke mme enyọn̄ obot.+ Mfri edidem eyebiet eke Lebanon,+ Ndien mbio obio ẹyesehe nte mbiet ke isọn̄.+ 17  Yak enyịn̄ esie ebịghi ke nsinsi;+ Yak enyịn̄ esie atara ke iso utịn, Ndien yak mmọ ẹbọ edidiọn̄ oto ke enye;+ Yak kpukpru mme idụt ẹdọhọ ke enye okop inemesịt.+ 18  Itoro enyene Jehovah Abasi, kpa Abasi Israel,+ Emi ikpọn̄-ikpọn̄ anamde mme utịbe utom.+ 19  Itoro onyụn̄ enyene ubọn̄ ubọn̄ enyịn̄ esie ke nsinsi,+ Ndien yak ubọn̄ esie ọyọhọ ke ofụri isọn̄.+ Amen ye Amen. 20  Mme akam David, eyen Jesse,+ ẹtre mi.

Mme Ikọ Idakisọn̄

Oro edi, “Euphrates.”