Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 7;1-17

Ikwọ mfụhọ emi David ọkọkwọde ọnọ Jehovah aban̄a ikọ Cush owo Benjamin. 7  O Jehovah Abasi mi,+ ami nda fi ke ebiet ubọhọ.+ Kpeme mi sio ke ubọk kpukpru mbon emi ẹkọbọde mi nyụn̄ nyan̄a mi,+   Mbak owo ndomokiet ediwai ukpọn̄ mi mbai mbai nte ekpe awaide n̄kpọ,+ Awamade mi ada adaha ke ini andinyan̄a mîdụhe.+   O Jehovah Abasi mi, edieke nnamde n̄kpọ emi,+ Edieke n̄kpọ ekededi emi akwan̄ade odude mi ke ubọk,+   Edieke ndade idiọk nsio usiene mfọn emi owo ọfọnde ye ami,+ Mîdịghe edieke mbụmede owo ekededi emi asuade mi edi mîkwe unen,+   Yak asua ebịne ukpọn̄ mi+ Ndien yak enye esịm mi onyụn̄ edịghi uwem mi adian ke isọn̄ Onyụn̄ anam ubọn̄ mi ana ke ntan. Selah.   Daha ke enyọn̄, O Jehovah, ke iyatesịt fo;+ Menede idemfo ke ntak ibụmede iyatesịt mbon oro ẹsuade mi,+ Nyụn̄ demede ke ntak mi,+ koro afo ọmọnọ ewụhọ aban̄a ikpe.+   Ndien yak esop mme idụt ẹkan fi ẹkụk, Nyụn̄ fiak ketie ke edikon̄ ebiet fo n̄wana ye mmọ.   Jehovah eyebiere ikpe ọnọ mme owo.+ Kpe ikpe mi, O Jehovah, nte ekemde ye edinen ido mi+ Nte onyụn̄ ekemde ye nsọn̄ọnda+ mi.   Mbọk, idiọkido mme idiọkowo akpakam esịm utịt,+ Afo akpakam anam edinen owo ọsọn̄ọ ada;+ Ndien Abasi emi edide edinen+ ke odomo esịt+ ye ekpụt.+ 10  Otuekọn̄ mi odu ye Abasi,+ kpa Andinyan̄a mbon oro esịt mmọ enende.+ 11  Abasi edi edinen Ebiereikpe,+ Abasi ke onyụn̄ an̄wan̄a ifụtesịt ọduọk kpukpru usen.  12  Edieke owo ekededi mîfiakke edem,+ Enye ayaban akan̄kan̄ esie,+ Enye ọyọkọk utịgha esie, onyụn̄ eben̄e idem nditop.+ 13  Ndien enye enyene nditịm n̄kpọekọn̄ n̄kpa nnọ idemesie;+ Enye ayanam mme idan̄ esie ẹsak ikan̄.+ 14  Sese! Odu enye emi oyomode ibak,+ Enye onyụn̄ oyomo afanikọn̄ ndien ayaman nsu.+ 15  Enye etịbi obube, onyụn̄ anam enye otụn̄ọ;+ Ndien enye ọyọduọ odụk ukpe emi enye eketịbide.+ 16  Afanikọn̄ esie ayafiak edidoro enye ke ibuot,+ Afai esie oyonyụn̄ osụhọde edidoro enye ke etịn̄ibuot.+ 17  Ami nyotoro Jehovah nte edinen ido esie edide,+ Nyonyụn̄ n̄kwọ edinem ikwọ nnọ enyịn̄+ Jehovah kpa Ata Edikon̄.+

Mme Ikọ Idakisọn̄