Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 69;1-36

Ẹnọ adausụn̄ ke Mme Ekpon̄idịm.+ Eke David. 69  Nyan̄a mi, O Abasi, koro mmọn̄ ọmọtọ ekpere ndifụk ukpọn̄ mi.+   Mmobụhọ ke editụn̄ọ okpụk, emi isọn̄ mîdụhe ndida.+ Mmodụk udem, Ndien idịm emi ewetde ọmọkpọri mi efep.+   Ami mmakpa mba ke ndifiori;+ Usụn̄itọn̄ emesịre mi. Enyịn ebre mi ke adan̄aemi mbetde Abasi mi.+   Mmọ eke ẹsuade mi ke unana ntak ẹmekabade ẹwak ẹkan idet ibuot mi.+ Mbon oro ẹyomde ndiwot mi, emi ẹdide mme asua mi ke unana ntak, ẹmekabade ẹwak.+ Mmekpe isop ke se mmen̄kọbọhọ ke n̄wo.   O Abasi, afo ọmọfiọk ndisịme mi, Ndudue mi inyụn̄ idịbeke fi.+   O kûyak bụt anam mmọ eke ẹdoride enyịn ke afo ke ntak mi,+ O Jehovah mme udịm, Akakan Ọbọn̄ Andikara.+ O kûyak mbon oro ẹyomde fi ẹdia esuene ke ntak mi,+ O Abasi Israel.+   Koro mmobiom esuene ke ntak fo,+ Esuene omofụk mi iso.+   Mmakabade ndi owo emi nditọete mi ẹsuade,+ Ye owo esenidụt nnọ nditọeka mi.+   Koro ifịk ufọk fo adiade mi idem,+ Esuene mmọ eke ẹsuenede fi omodoro mi ke idem.+ 10  Ndien ami ntua eyet, ukpọn̄ mi onyụn̄ etre udia,+ Edi emi akabade edi esuene ọnọ mi.+ 11  Ke ini nsịnede ọfọn̄ ntuan̄a, N̄kabade ndi ufiet nnọ mmọ.+ 12  Mbon oro ẹtiede ke inuaotop ẹtọn̄ọ nditịn̄ mban̄a mi,+ Ami n̄konyụn̄ ndi ikọ ikwọ mme ọn̄wọn̄ ọkpọsọn̄ mmịn.+  13  Edi ami mma mbọn̄ akam nnọ fi, O Jehovah,+ Ke ini eke odotde, O Abasi.+ Yere mi ke uwak ima-mfọnido fo nyụn̄ wụt ke afo edi ata andinyan̄a.+ 14  Nyan̄a mi sio ke okpụk mbak ndibụhọ.+ O ẹkpakam ẹnyan̄a mi ẹsio ke ubọk mbon oro ẹsuade mi+ ye ke udem.+ 15  O kûyak idịm eke ewetde ọkpọri mi efep,+ Kûyak udem emen mi emen, Kûnyụn̄ uyak obube mmọn̄ ekịbi inua esie abaha mi.+ 16  Yere mi, O Jehovah, koro ima-mfọnido fo ọfọnde.+ Wọn̄ọde se mi nte uwak mbọm fo edide,+ 17  Kûnyụn̄ udịp asan̄autom fo iso fo.+ Wara yere mi, koro ndude ke nnanenyịn.+ 18  San̄a kpere ukpọn̄ mi, nyan̄a enye;+ Fak mi mbak mme asua mi.+ 19  Afo ọmọfiọk esuene mi ye bụt mi ye nte ẹsụhọrede mi itie.+ Kpukpru mbon oro ẹsuade mi ẹdu fi ke iso.+ 20  Esuene omobụn̄ mi esịt, ndien owo ikemeke ndikọk unan emi.+ Ndori enyịn owo nditua mi mbọm, edi idụhe owo ndomokiet;+ Nnyụn̄ ndori enyịn ke mbon ndọn̄esịt, edi n̄kwe ndomokiet.+ 21  Edi mmọ ẹnọ mi ikọn̄ ibọkn̄kpa ke udia,+ Ẹnyụn̄ ẹdomo ndinam n̄n̄wọn̄ vinegar ke nsatitọn̄ mi.+ 22  Yak okpokoro mmọ emi ọdiọhọde mmọ ke iso akabade edi afia,+ Mfọnọn̄kpọ mmọ onyụn̄ edi ekpọ.+ 23  Yak enyịn ẹkịm mmọ mbak ẹdikụt usụn̄;+ Nyụn̄ nam isịn mmọ enyek kpukpru ini.+ 24  N̄wan̄a ifụtesịt fo fụk mmọ,+ Ndien ikan̄-ikan̄ iyatesịt fo akpakam esịm mmọ.+ 25  Yak itienna mmọ, oro ẹbọpde ibibene ẹkanade, ana ndon;+ Yak owo ndomokiet okûdụn̄ ke mme tent mmọ.+ 26  Koro mmọ ẹbịnede owo eke afo amiade,+ Ẹnyụn̄ ẹbụkde ubiak mbon oro afo ekịmde. 27  Dian ndudue ke ndudue mmọ,+ Kûnyụn̄ ubat mmọ ke edinen.+ 28  Yak ẹsọhi mmọ ẹfep ke n̄wed mme odu-uwem,+ Ẹkûnyụn̄ ẹwet mmọ ẹsịn ke otu ndinen owo.+ 29  Ami mmokụt ukụt nnyụn̄ n̄kop ubiak.+ O Abasi, edinyan̄a fo akpakam ekpeme mi.+ 30  Ami nyada ikwọ ntoro enyịn̄ Abasi,+ Nnyụn̄ nda ekọm nnọ enye ubọn̄.+ 31  Emi n̄ko eyenem Jehovah esịt akan ayara enan̄,+ Akan enyene-nnụk abak ayara enan̄ eke asiahade ikpat.+ 32  Mbon nsụkidem ẹyekụt emi; mmọ ẹyedara.+ Mbufo emi ẹyomde Abasi, yak esịt mbufo n̄ko odu uwem.+ 33  Koro Jehovah akpan̄de utọn̄ ọnọ mme ubuene,+ Ndien enye idisịnke ikọt esie emi ẹdude ke n̄kpọkọbi ke ndek.+ 34  Yak enyọn̄ ye isọn̄ ẹtoro enye,+ Inyan̄ ye kpukpru se isan̄ade ke esịt.+ 35  Koro Abasi ayanyan̄a Zion+ Oyonyụn̄ ọbọp mme obio Judah;+ Ndien mmọ ẹyedụn̄ do ẹnyụn̄ ẹda enye ẹnyene.+ 36  Ndien nditọ ikọt esie ẹyeda enye ẹnyene,+ Mmọ eke ẹmade enyịn̄ esie ẹyenyụn̄ ẹdụn̄ ke esịt.+

Mme Ikọ Idakisọn̄