Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 64;1-10

Ẹnọ adausụn̄. Ikwọ David. 64  O Abasi, kop uyo eseme mi.+Kpeme uwem mi mbak ndịk asua.+   Afo akpakam edịp mi mbak odu mme anamidiọk,+Mbak ndutịme mbon ibak,+   Emi ẹbande edeme mmọ nte akan̄kan̄,+Emi ẹketde idan̄ mmọ, kpa ndotndot ikọ,+   Man ẹtie ke mme ndịbe ebiet ẹtop owo eke mînyeneke nduduọhọ.+Mmọ ẹtop enye ke mbuari, inyụn̄ ifeheke ndịk.+   Mmọ ẹkọbọ ke nditịn̄ idiọk ikọ;+Ẹtịn̄ ẹban̄a ndidịp afia.+Mmọ ẹdọhọ ẹte: “Anie okụt mmọ?”+   Mmọ ẹduak se mînenke;+Mmọ ẹmeda mbufiọk ẹdịp n̄kari n̄kari uduak,+Ndien esịt mmọ kiet kiet, kpa ọwọn̄esịt mmọ, otụn̄ọ.+   Edi, ke mbuari, Abasi oyotop mmọ ke idan̄.+Mmọ ẹmeda unan,+   Mmọ ẹmenyụn̄ ẹnam owo atuak ukot ọduọ.+Edi edeme mmọ an̄wana ye mmọ.+Kpukpru mbon oro ẹkụtde mmọ ẹyefụn̄ ibuot,+   Kpukpru owo ẹyenyụn̄ ẹkop ndịk;+Ndien mmọ ẹyebụk ẹban̄a edinam Abasi,+Mmọ ẹyenyụn̄ ẹtịm ẹfiọk utom esie.+ 10  Ndien edinen owo ayadara ke Jehovah onyụn̄ ada enye ke ebiet ubọhọ;+Ndien kpukpru mmọ eke esịt mmọ enende ẹyebụre mbụre.+

Mme Ikọ Idakisọn̄