Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 62;1-12

Ẹnọ adausụn̄ ke Jeduthun. Ikwọ David. 62  Ukpọn̄ mi odop ebet Abasi.+ Edinyan̄a mi oto enye.+   Ke akpanikọ enye edi akwa itiat mi ye edinyan̄a mi, kpa edikon̄ ebiet ubọhọ mi;+ Ndisehekede n̄kaha.+   Adan̄a didie ke mbufo ẹdin̄wana ye owo emi mbufo ẹdiwotde?+ Kpukpru mbufo ẹbiet ibibene emi efeberede, kpa ibibene itiat emi ẹberide.+   Ke akpanikọ mmọ ẹnọ item man ẹtap owo ẹkpọn̄ uku esie;+ Mmọ ẹma nsu.+ Mmọ ẹda inua mmọ ẹdiọn̄, edi ẹsụn̄i ke esịt mmọ.+ Selah.   O ukpọn̄ mi dop bet Abasi,+ Koro idotenyịn mi otode enye.+   Ke akpanikọ enye edi akwa itiat mi ye edinyan̄a mi, kpa edikon̄ ebiet ubọhọ mi;+ Ami ndisehekede.+   Edinyan̄a mi ye ubọn̄ mi ẹto Abasi.+ Abasi edi ọkpọsọn̄ itiat mi ye ebiet ubọhọ mi.+   Mbufo ẹbuọt idem ye enye kpukpru ini.+ Ẹn̄wan̄a esịt mbufo ẹnọ enye.+ Abasi edi ebiet ubọhọ nnyịn.+ Selah.   Ke akpanikọ nditọ owo ẹdi ibifịk,+ Nditọ owo ẹdi abian̄a.+ Ke ini ẹdoride mmọ ke udomon̄kpọ, kpukpru mmọ ẹfere ẹkan ibifịk.+ 10  Ẹkûbuọt idem ke utụk,+ Ẹkûnyụn̄ ẹbuọt idem ke n̄wo.+ Edieke inyene ọtọtde, mbufo ẹkûsịn esịt ke mmọ.+ 11  Abasi etịn̄ ikọ ini kiet, mmakam n̄kop emi utịm ikaba,+ Nte ke Abasi enyene odudu.+ 12  N̄ko, afo emenyene ima-mfọnido, O Jehovah,+ Koro afo ọnọde owo kiet kiet utịp nte utom esie edide.+

Mme Ikọ Idakisọn̄