Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 60;1-12

Ẹnọ adausụn̄ ke Ekpon̄idịm Editi. Miktam. Eke David. Man ẹda ẹnọ ukpep.+ Ke ini enye akan̄wanade ye Aram-naharaim ye Aram-Zobah, Joab okonyụn̄ afiakde aka okosobo Edom ke Itịghede Inụn̄, owo tọsịn duopeba.+ 60  O Abasi, afo omotop nnyịn ọduọk, amasuan nnyịn,+ Afo amayat esịt. Fiak da nnyịn.+   Afo amanam isọn̄ enyek, amasiak enye.+ Sịri mme nsiaha esie, koro enye emesehede.   Afo amanam ikọt fo ẹkụt ukụt.+ Afo amanam nnyịn in̄wọn̄ wine emi anamde nnyịn iten̄.+   Afo ọmọnọ mmọ eke ẹbakde fi idiọn̄ọ+ Man ẹfehe ẹfep utịgha. Selah.   Man mbon ima fo ẹkpebọhọ,+ O da ubọk nnasia fo nyan̄a nnyịn nyụn̄ yere nnyịn.+   Abasi ọdọhọ ke edisana idaha esie ete:+ “Ami nyadara, nyada Shechem nnọ nte udeme;+ Nyonyụn̄ ndomo unaisọn̄ Succoth nnọ.+   Gilead edi okịm, Manasseh onyụn̄ edi okịm,+ Ndien Ephraim edi ebiet ubọhọ ọnọ etubom mi; Judah edi esan̄ andikara mi.+   Moab edi eso uyet ukot* mi.+ Nyotop ikpaukot mi nduọk ke Edom.+ Nyosio n̄kpo edikan mban̄a Philistia.”+   Anie edida mi aka obio oro ẹkande ẹkụk?+ Anie edida mi usụn̄ ekesịm Edom?+ 10  Nte idịghe afo, O Abasi, emi otopde nnyịn ọduọk+ Emi mûnyụn̄ usan̄ake ye udịmekọn̄ nnyịn uwọrọ nte Abasi?+ 11  N̄wam nnyịn ke nnanenyịn,+ Koro edinyan̄a emi otode owo edide ikpîkpu.+ 12  Abasi ayanam nnyịn ikop odudu,+ Enye oyonyụn̄ edịghi mme asua nnyịn.+

Mme Ikọ Idakisọn̄

Eso uyet ukot m̀mê ubọk m̀mê mbiba.