Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 59;1-17

Ẹnọ adausụn̄. “Kûsobo.” Eke David. Miktam. Ke ini Saul ọkọdọn̄de ẹkekpeme ufọk, man ẹwot enye.+ 59  Nyan̄a mi sio ke ubọk mme asua mi, O Abasi mi;+ Kpeme mi sio ke ubọk mmọ eke ẹdahade ẹda ẹn̄wana ye ami.+   Nyan̄a mi sio ke ubọk mbon ibak,+ Nyụn̄ nyan̄a mi sio ke ubọk mmọ eke ẹduọkde iyịp.   Koro, sese! mmọ ẹmedịbe ẹbet ukpọn̄ mi;+ N̄kpọsọn̄ owo ẹn̄wana ye ami,+ Idịghe koro nsọn̄de ibuot, m̀mê koro nnamde idiọkn̄kpọ, O Jehovah.+   Okposụkedi mmenduehe, mmọ ẹfehe ẹkeben̄e idem.+ Menede idem nyụn̄ se ke ini n̄kotde.+   O Jehovah Abasi mme udịm, afo edi Abasi Israel.+ Demede nyụn̄ tịn̄ enyịn ke kpukpru mme idụt.+ Kûtua mbon mbia emi ẹbakde ibak mbọm.+ Selah.   Mmọ ẹfiak edem ke mbubreyo;+ Mmọ ẹkpọi nte ebua+ ẹnyụn̄ ẹsan̄a ẹkanade obio.+   Sese! Mmọ ẹsion̄o idiọk ikọ ke inua mmọ;+ Akan̄kan̄ odu mmọ ke n̄kpọkinua,+ Koro anie okop?+   Edi afo, O Jehovah ayasak mmọ;+ Afo ayasak kpukpru mme idụt nsahi.+   O Odudu mi, ami nyese fi;+ Koro Abasi edide edikon̄ ebiet ubọhọ mi.+ 10  Abasi ima-mfọnido eyedisobo ye ami;+ Abasi ayanam mi nsụk enyịn nse mme asua mi.+ 11  Kûwot mmọ, mbak ikọt mi ẹdifre.+ Da odudu fo nam mmọ ẹsan̄a ẹyo,+ Nyụn̄ sụhọde mmọ nịm, O Jehovah otuekọn̄ nnyịn,+ 12  Kaban̄a idiọkn̄kpọ inua mmọ, kpa ikọ n̄kpọkinua mmọ;+ Ndien ẹkpekam ẹmụm mmọ ke ntan̄idem mmọ,+ Ọkọrọ ye isụn̄i ye abian̄a oro mmọ ẹtịn̄de ndien ndien.  13  Da mmọ sịm utịt ke iyatesịt;+ Da mmọ sịm utịt, man mmọ ẹkûdu aba; Man mmọ ẹkpefiọk ẹte ke Abasi akara ke ufọt Jacob tutu esịm utịt isọn̄.+ Selah. 14  Ndien yak mmọ ẹfiak edem ke mbubreyo; Yak mmọ ẹkpọi nte ebua ẹnyụn̄ ẹsan̄a ẹkanade obio.+ 15  Yak mmọ ẹyo ẹsan̄a ẹyom se ẹdiade;+ Yak mmọ ẹkûyụhọ ẹkûnyụn̄ ẹde idap ke ofụri okoneyo.+ 16  Edi amaedi ami, nyọkwọ mban̄a odudu fo,+ Nyonyụn̄ mbụk idara idara mban̄a ima-mfọnido fo ke usenubọk.+ Koro afo edide edikon̄ ebiet ubọhọ mi+ Ye ebiet emi ndifehede n̄ka ke usen nnanenyịn.+ 17  O Odudu mi, ami nyọkwọ edinem ikwọ nnọ fi,+ Koro Abasi edide edikon̄ ebiet ubọhọ mi, kpa Abasi ima-mfọnido mi.+

Mme Ikọ Idakisọn̄