Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 58;1-11

Ẹnọ adausụn̄. “Kûsobo.” Eke David. Miktam. 58  Nte mbufo ẹmekeme nditịn̄ mban̄a edinen ido ke ini mbufo ẹdopde uyo?+ Nte mbufo ẹmekeme ndikpe ikpe ke edinen ido, O mbufo nditọ owo?+   Esịt mbufo akpak mbufo didie ntem ndinam ukwan̄ido ke isọn̄,+ Nnyụn̄ ndiọn̄ usụn̄ nnọ afai emi ubọk mbufo ẹnamde!+   Mme idiọkowo ẹkwan̄a toto ke itie eyen;+ Mmọ ẹmeyo toto ke idịbi; Mmọ ẹsu nsu.+   Ifọt mmọ ebiet ifọt urụkikọt,+ Mmọ ẹdi inan nte ebre emi esịride utọn̄ esie,+   Oro mîkopke uyo ọkọk-nduọhọ,+ Okposụkedi ata ọkọk-nduọhọ ọkọkde nduọhọ.+   O Abasi sion̄o mmọ edet ke inua.+ Bom ọkpọ mban̄ abak nyara ekpe, O Jehovah.   Mmọ ẹkpekam ẹbe ẹfep nte mmọn̄ eke ewetde ebe ke usụn̄ mmọ;+ Yak enye ọkọk utịgha otop idan̄ esie nte mmọ ẹduọn̄ọde.+   Mmọ ẹsan̄a nte ekwọn̄ eke eyemerede; Nte eyen eke obụn̄ọde eka ke idịbi, mmọ idikwe utịn.+   Mbemiso ikan̄ emi ẹdade akpap ẹbara otụkde mme eso mbufo,+ Enye eyemen ndisi ọkọrọ ye mmọ eke ikan̄ atade efep nte ọkpọsọn̄ oyobio emende.+ 10  Edinen owo ayadara koro enye okụtde usiene emi ẹsiode.+ Enye eyeyet ikpat esie ke iyịp idiọkowo.+ 11  Ndien ubonowo ẹyedọhọ ẹte:+ “Ke akpanikọ utịp odu ọnọ edinen owo.+ Ke akpanikọ odu Abasi emi ekpede ikpe ke isọn̄.”+

Mme Ikọ Idakisọn̄