Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 55;1-23

Ẹnọ adausụn̄ ke ndido urụk. Maskil. Eke David. 55  O Abasi, biọn̄ utọn̄ ke akam mi;+Kûnyụn̄ udịbe ke ini n̄kpede fi ubọk nyom mfọn.+   Kpan̄ utọn̄ nọ mi nyụn̄ yere mi.+Ọkpọsọn̄ ekikere anam ibuot oyon̄ mi,+Onyụn̄ anam mi mfụhọ,   Ke ntak uyo asua, ke ntak ufịk idiọkowo.+Koro mmọ ẹduọkde mi afanikọn̄ ke idem,+Ẹnyụn̄ ẹsuade mi ke iyatesịt.+   Esịt mi okop ọkpọsọn̄ ubiak,+Ndịk n̄kpa onyụn̄ odoro mi ke idem.+   Ndịk, ih, nnyekidem omodụk mi idem,+Ndịghe onyụn̄ ofụk mi.   Ndien ami ndọhọ nte: “Ubaha nte n̄kpenyenede mba nte ibiom!+Ami n̄kpefe n̄kodụn̄ ke ebiet en̄wen.+   Sese! N̄kpefe n̄ka anyan ebiet;+N̄kpaka n̄kodụn̄ ke wilderness.+—⁠Selah—⁠   N̄kpawara n̄ka ebiet ubọhọ miMan mbọhọ ọkpọsọn̄ ofụm ye ọkpọsọn̄ oyobio.”+   Tịmede mmọ, O Jehovah, tịmede usem mmọ,+Koro mmokụt afai ye eneni ke obio.+  10  Mmọ ẹsan̄a ke mme ibibene ẹkanade obio uwemeyo ye okoneyo;+Ibak ye mfịna ẹnyụn̄ ẹdu ke esịt.+ 11  Afanikọn̄ ẹdu ke esịt;Ufịk ye abian̄a inyụn̄ idahake ikpọn̄ an̄wa obio.+ 12  Koro mîdịghe asua ekesuene mi;+Ekpedi enye n̄kpọyọ.Idịghe owo emi enen̄erede asua mi okokohode idem ọbiọn̄ọ mi;+Ekpedi enye n̄kpedịbe mbọhọ.+ 13  Edi ekedi afo, owo emi edide ukem ye ami,+Afo emi emehede ye ami onyụn̄ edide ọdiọn̄ọ mi,+ 14  Koro nnyịn ikesidide ata ufan;+Ikesisan̄a ntre ye udịmowo ika ufọk Abasi.+ 15  Yak nsobo esịm mmọ!+Yak mmọ ẹsụhọde ndisi ke Udi;*+Koro ndiọi n̄kpọ ẹkedude mmọ ke esịt ke ini mmọ ẹkedide mme odudụn̄.+ 16  Amaedi ami, nyeseme n̄kot Abasi;+Ndien Jehovah ayanyan̄a mi.+ 17  Nyekere nnyụn̄ nseme ke mbubreyo ye usenubọk ye uwemeyo,+Ndien enye oyokop uyo mi.+ 18  Enye ayafak mi onyụn̄ anam ukpọn̄ mi odu ke emem ọbọhọ en̄wan eke ẹn̄wanade ye ami,+Koro mmọ ẹwọrọde ọkwọkudịm ẹbịne mi.+ 19  Abasi oyokop onyụn̄ ọbọrọ mmọ,+Kpa Enye emi etiede ke ebekpo nte ke eset+—⁠Selah—⁠Mbon oro mîkpụhọkede+Emi mînyụn̄ ibakke Abasi.+ 20  Enye amanyanade ubọk esie an̄wana ye mbon oro ẹdude ke emem ye enye;+Enye amabiat ediomi esie.+ 21  Ikọ inua esie ọdọnọ akan bọta,+Edi esịt esie ama en̄wan.+Ikọ esie emem akan aran,+Edi enye edi akan̄kan̄ emi ẹdụride ẹsio.+ 22  Top mbiomo fo nọ Jehovah,+Ndien enye ọyọsọn̄ọ fi idem.+Tutu amama enye idiyakke edinen owo esehede.+ 23  Edi afo, O Abasi, ayanam mmọ ẹsụhọde ke ata esịt obube.+Amaedi mmọ eke ẹnyenede ubiomikpe iyịp ye mbon abian̄a, mmọ ididụhe uwem isịm mbahade iba ke isua uwem mmọ.+Edi amaedi ami, nyọbuọt idemmi ye afo.+

Mme Ikọ Idakisọn̄

Heb., “Sheol.”