Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 53;1-6

Ẹnọ adausụn̄ ke Mahalath.+ Maskil. Eke David. 53  Anana-ibuot owo ọdọhọ ke esịt esie ete: “Jehovah idụhe.”+ Mmọ ẹmenam se idade nsobo idi ẹnyụn̄ ẹnam mbubiam n̄kpọ ke ukwan̄ido mmọ;+ Idụhe owo eke anamde se ifọnde.+   Amaedi Abasi, enye etie ke heaven osụk iso ese nditọ owo,+ Ete ise m̀mê odu owo ekededi emi enyenede ikike, owo ekededi emi oyomde Jehovah.+   Kpukpru mmọ ẹmefiak edem, kpukpru mmọ ẹmebiara;+ Idụhe owo eke anamde se ifọnde,+ Baba kiet idụhe.   Nte idụhe baba owo ibak kiet emi enyenede ifiọk,+ Emi mmọ ẹtade ikọt mi nte ẹta uyo?+ Mmọ ikam isemeke ikot Jehovah.+   Akwa ndịk anam mmọ do,+ Ke ebiet emi ndịk mîkodụhe;+ Koro Abasi ayasuan mme ọkpọ owo ekededi eke anamde nna ndin̄wana ye afo.+ Afo ayanam bụt anam mmọ, koro Jehovah emesịn mmọ.+   Ubaha nte akwa edinyan̄a Israel okpotode Zion!+ Ke ini Jehovah afiakde atan̄ ikọt esie emi ẹkemụmde nte mbuotekọn̄ ọnyọn̄ edi,+ Yak Jacob adara, yak Israel adat esịt.+

Mme Ikọ Idakisọn̄