Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 52;1-9

Ẹnọ adausụn̄. Maskil. Eke David, ke ini Doeg owo Edom ekedide edisian Saul ete ke David ama edi ufọk Ahimelech.+ 52  Ntak emi afo obụrede mbụre aban̄a se idiọkde, O afo ọkpọsọn̄ owo?+ Ima-mfọnido Abasi ododu kpukpru usen.+   Edeme fo etịbi afanikọn̄, ọsọp nte akadan̄,+ Etịn̄ ikọ abian̄a.+   Afo amama se idiọkde akan se ifọnde,+ Amama nsu akan nditịn̄ se inende.+ Selah.   Afo amama kpukpru ikọ nsobo,+ O afo edeme abian̄a.+   Abasi oyonyụn̄ owụri fi ke nsinsi;+ Enye oyonụk fi ọduọk onyụn̄ awamade fi osio ke tent fo,+ Ndien enye eyedịbede fi osio ke isọn̄ mme odu-uwem.+ Selah.   Ndinen owo ẹyekụt emi ndien ndịk anam mmọ,+ Mmọ ẹyenyụn̄ ẹsak enye.+   Orụk owo emi idaha Abasi ke ebiet ubọhọ esie,+ Edi ọbuọt idem ke uwak inyene esie,+ Oyom ubọhọ ke afanikọn̄ ubọk esie.+   Edi ami nyebiet eto olive eke esehede+ ke ufọk Abasi; Ami mmọbuọt idem ke ima-mfọnido Abasi ke nsinsi nsinsi.+   Nyotoro fi ke nsinsi ke se afo anamde;+ Nyonyụn̄ ndori enyịn ke enyịn̄ fo, koro emi ọfọnde, ke iso mbon emi ẹsọn̄ọde ẹda ye afo.+

Mme Ikọ Idakisọn̄