Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 51;1-19

Ẹnọ adausụn̄. Ikwọ David. Ke ini prọfet Nathan ekedide ke ọtọ esie ke enye ama ekenyene ebuana ye Bath-sheba.+ 51  Tua mi mbọm, O Abasi, nte ima-mfọnido fo edide.+ Sọhi mme idiọkn̄kpọ mi fep nte ediwak mbọm fo edide.+   Nen̄ede yet mi ndudue ke idem fep,+ Nyụn̄ nam mi nsana mbọhọ idiọkn̄kpọ mi.+   Koro ami mmọfiọk mme ukwan̄n̄kpọ mi,+ Idiọkn̄kpọ mi onyụn̄ odu mi ke iso kpukpru ini.+   Ami mmedue fi, kpa fi ikpọn̄,+ Mmonyụn̄ nnam se idiọkde fi ke enyịn;+ Man afo ekpenen ke ini afo etịn̄de ikọ,+ Onyụn̄ ọfọn ama ke ini afo ekpede ikpe.+   Sese! Ami n̄kamana ye ukwan̄n̄kpọ ke ubiak uman,+ Eka mi okonyụn̄ oyomo mi ke idiọkn̄kpọ.+   Sese! Afo amama akpanikọ emi otode ọwọn̄esịt;+ Afo akpakam anam mi mfiọk ọniọn̄ ke ọwọn̄esịt mi.+   Afo akpakam ada hyssop eyet idiọkn̄kpọ mi, man ami nsana;+ Afo akpakam eyet mi, man mfia n̄kan snow.+   Afo akpakam anam mi n̄kop inemesịt ye idatesịt,+ Man mme ọkpọ emi afo anuakde ẹkpedara.+   Dịp iso fo, kûse mme idiọkn̄kpọ mi,+ Nyụn̄ sọhi kpukpru mme ukwan̄n̄kpọ mi fep.+ 10  Bot edisana esịt nọ mi, O Abasi,+ Nyụn̄ sịn mi obufa spirit, eke ọsọn̄ọde ada, ke idem.+ 11  Kûmen mi ke iso fo uduọk;+ Kûnyụn̄ ubọ mi edisana spirit fo.+ 12  Nam mi mfiak n̄kop idatesịt edinyan̄a fo,+ Afo akpakam ọnọ mi spirit unyịmesịt.+ 13  Ami nyekpep mme abiatibet usụn̄ fo,+ Man mme anamidiọk ẹkpefiak edem ẹtiene fi.+ 14  Nyan̄a mi sio ke ubiomikpe iyịp,+ O Abasi, kpa Abasi edinyan̄a mi,+ Man edeme mi etịn̄ idara idara aban̄a edinen ido fo.+ 15  O Jehovah, afo akpakam atat mi n̄kpọkinua,+ Man inua mi okpobụk itoro fo.+ 16  Koro afo mûmaha uwa—akpama n̄kpọnọ;+ Ofụri edifọp uwa inyụn̄ inemke fi esịt.+ 17  Spirit emi obụn̄ọde edi mme uwa eke ẹwade ẹnọ Abasi;+ O Abasi, afo udusịnke esịt eke obụn̄ọde onyụn̄ anuahade ke ndek.+ 18  Da mfọnido nam se ifọnde ye Zion;+ Afo akpakam ọbọp mme ibibene Jerusalem.+ 19  Ndien afo eyenem esịt ke mme uwa edinen ido,+ Ye edifọp uwa ye uwa eke ẹfọpde ofụri;+ Ndien ẹyewa nyara enan̄ ke itieuwa fo.+

Mme Ikọ Idakisọn̄