Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 50;1-23

Ikwọ Asaph.+ 50  Ata Ọkpọsọn̄,+ Abasi, Jehovah,+ etịn̄ ikọ,+ Enye onyụn̄ okot isọn̄,+ Ọtọn̄ọde ke edem usiahautịn tutu esịm edem usoputịn.+   Abasi etie ke Zion, emi eyede anana ndo,+ ayama.+   Abasi nnyịn eyedi inyụn̄ ikemeke ndidop uyo.+ Ikan̄ eke atade odu enye ke iso,+ Ata ọkpọsọn̄ oyobio onyụn̄ akan enye okụk.+   Enye okot enyọn̄ ye isọn̄+ Man enye ebiere ikpe ọnọ ikọt esie:+   “Bon ikọt mi emi ẹsọn̄ọde ẹda ye ami nọ mi,+ Kpa mmọ eke ẹdade uwa ẹdiomi ediomi ye ami.”+   Ndien mme heaven ẹbụk edinen ido esie,+ Koro Abasi edide Ebiereikpe.+ Selah.   “O mbufo ikọt mi ẹkpan̄ utọn̄, ndien ami nyetịn̄ ikọ,+ O Israel, ami nyonyụn̄ nsua nnọ fi.+ Ami ndi Abasi, kpa Abasi fo.+   Idịghe mme uwa fo ẹnam nsua nnọ fi,+ Inyụn̄ idịghe ofụri edifọp uwa fo emi ẹdude mi ke iso kpukpru ini.+   Ndisioho ayara enan̄ ke ufọk fo,+ M̀mê okpo ebot ke itienna ufene fo. 10  Koro kpukpru unam ke akai ẹnyene mi,+ Kpa mme unam ikọt ke tọsịn obot.+ 11  Mmetịm mfiọk kpukpru mme edibotn̄kpọ emi ẹnyenede mba ke mme obot,+ Udịm udịm unam ke ikọt ẹnyụn̄ ẹnyene mi.+ 12  Edieke biọn̄ ọkpọdọn̄de mi, n̄kpọdọhọke fi; Koro isọn̄+ ye se iyọhọde ke esịt ẹnyene mi.+ 13  Nte ami ndita obụk n̄kpọsọn̄ nyara enan̄,+ Nte ndinyụn̄ n̄n̄wọn̄ iyịp okpo ebot?+ 14  Wa ekọm nte uwa fo nọ Abasi,+ Nyụn̄ sio mme akan̄a fo nọ Ata Edikon̄;+ 15  Ndien kot mi ke usen nnanenyịn.+ Nyanyan̄a fi, afo oyonyụn̄ ọnọ mi ubọn̄.”+ 16  Edi Abasi ọyọdọhọ idiọkowo ete:+ “Nso unen ke afo enyene nditan̄a mme ewụhọ mi,+ Ndinyụn̄ ntịn̄ mban̄a ediomi mi?+ 17  Kamse, afo amasua ntụnọ,+ Onyụn̄ ọduọk ikọ mi ke edem fo.+ 18  Ke ini afo okokụtde inọ, afo akakam enenem esịt ye enye;+ Afo okonyụn̄ odụk nsan̄a ye mme esịn efịbe.+ 19  Afo amada inua fo etịn̄ se idiọkde,+ Onyụn̄ ada edeme fo abian̄a abian̄a.+ 20  Afo etie ọdọk eyenete fo edidọk,+ Okụt ndudue ọnọ eyenuka.+ 21  Afo amanam mme n̄kpọ emi, ndien ami ndop uyo.+ Afo ekere ke nyakabade ntie nte afo.+ Mmọn̄ nsua nnọ fi,+ nyonyụn̄ mmen mme n̄kpọ oro afo anamde ọdiọk nnịm fi ke iso.+ 22  Mbọk ẹfiọk emi, mbufo emi ẹfrede Abasi,+ Mbak ami ndiwai mbufo mbai mbai ndien andinyan̄a ndomokiet idụhe.+ 23  Owo eke awade ekọm nte uwa edi enye emi ọnọde mi ubọn̄;+ Ndien amaedi owo eke enyenede iwụk ke usụn̄ esie, Nyanam enye okụt edinyan̄a Abasi.”+

Mme Ikọ Idakisọn̄