Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 5;1-12

Ẹnọ adausụn̄ ke Nehiloth. Ikwọ David. 5  O Jehovah, biọn̄ utọn̄ ke ikọ mi;+Fiọk eseme mi.   Kpan̄ utọn̄ ke uyo eseme emi nsemede nyom un̄wam,+O Edidem+ mi ye Abasi mi, koro mbọn̄de akam nnọ fi.+   O Jehovah, afo oyokop uyo mi ke usenubọk;+Nyetịn̄ mban̄a idemmi nnọ fi ke usenubọk nnyụn̄ ntie mbet.+   Koro afo mûdịghe Abasi emi idiọkido adatde fi esịt;+Idiọkowo ndomokiet ididụn̄ke ye afo ke ini ekededi.+   Mme obụre mbụre ididaha fi ke iso.+Afo asasua kpukpru mbon ibak;+   Afo oyosobo mbon emi ẹsude nsu.+Jehovah asasua ọduọkiyịp+ ye owo abian̄a.+   Amaedi ami, ke uwak ima-mfọnido fo+Nyodụk ndi ufọk fo,+Nyese n̄kan̄ edisana temple fo nnụhọ ke uten̄e fo.+   O Jehovah, da mi usụn̄ ke edinen ido+ fo ke ntak mme asua mi;+Nam usụn̄ fo ọdọnọ ke iso mi.+   Koro akpanikọ mîdụhe mmọ ke inua;+Ọwọn̄esịt mmọ ọyọhọ ye afanikọn̄.+Usụn̄itọn̄ mmọ edi ana-in̄wan̄ udi;+Mmọ ẹkama nneminua.+ 10  Abasi oyobiom mmọ ikpe;+Uduak mmọ ayanam mmọ ẹduọn̄ọ.+Suan mmọ ke ntak ediwak ubiatibet mmọ,+Koro mmọ ẹmesọn̄ ibuot ye afo.+ 11  Edi kpukpru mbon emi ẹdade fi ke ebiet ubọhọ ẹyedara;+Mmọ ẹyesio n̄kpo idara ke nsinsi.+Ndien afo eyekpeme mmọ,Mmọ eke ẹmade enyịn̄ fo ẹyenyụn̄ ẹdara ke afo.+ 12  Koro afo, O Jehovah, ọyọdiọn̄ owo ekededi emi edide edinen;+Afo ayada unyịme fo akan mmọ okụk+ nte akamba otuekọn̄.+

Mme Ikọ Idakisọn̄