Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 46;1-11

Ẹnọ adausụn̄. Eke nditọ Korah+ emi aban̄ade Mme N̄kaiferi. Ikwọ. 46  Abasi edi ebiet ubọhọ nnyịn ye odudu nnyịn,+ Un̄wam emi ikemede ndisọp n̄kụt ke mme ini nnanenyịn.+   Ntak edi oro nnyịn mîdifeheke ndịk, isọn̄ okpokpụhọde,+ Mme obot ẹkpenyụn̄ ẹduọn̄ọ ẹdụk esịt akwa inyan̄;+   Mmọn̄ esie okpoyoyomo, osion̄o efot,+ Mme obot ẹkpenyenyek ke ini enye etịmerede.+ Selah.   Odu akpa mmọn̄ emi mme idịm esie ẹnamde obio Abasi adara,+ Ata edisana akwa tent utuakibuot emi enyenede Ata Edikon̄.+   Abasi odu ke obio oro;+ enye idisehekede.+ Abasi ayan̄wam enye ke ini eyo esierede.+   Mme idụt ẹkeyomo,+ mme obio ubọn̄ ẹsehede; Enye osioro uyo esie, isọn̄ eyemede.+   Jehovah mme udịm odu ye nnyịn;+ Abasi Jacob edi edikon̄ ebiet ubọhọ nnyịn.+ Selah.   Mbufo ẹdi, ẹdise se Jehovah anamde,+ Nte enye anamde mme n̄kpọ n̄kpaidem ke isọn̄.+   Enye amanam ekọn̄ etre tutu esịm utịt isọn̄.+ Obụn̄ utịgha onyụn̄ okpok eduat n̄ken̄e n̄ken̄e;+ Ọfọp mme chariot ekọn̄ ke ikan̄.+ 10  “Mbufo ẹdobo, ẹnyụn̄ ẹfiọk ẹte ke ami ndi Abasi.+ Ẹyetoro mi ke otu mme idụt,+ Ẹyetoro mi ke isọn̄.”+ 11  Jehovah mme udịm odu ye nnyịn;+ Abasi Jacob edi edikon̄ ebiet ubọhọ nnyịn.+ Selah.

Mme Ikọ Idakisọn̄