Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 42;1-11

Ẹnọ adausụn̄. Maskil nditọ Korah.+ 42  Nte uman edop oyomde idịm mmọn̄, Kpa ntre ke ukpọn̄ mi oyom fi, O Abasi.+   Ukpọn̄ mi enen̄ede oyom Abasi,+ kpa odu-uwem Abasi.+ Ini ewe ke ndidi ke iso Abasi?+   Mmọn̄eyet mi amakabade udia mi uwemeyo ye okoneyo,+ Ke adan̄aemi mmọ ẹdọhọde mi ofụri usen ẹte: “Enye Abasi fo?”+   Nyeti mme n̄kpọ emi, nyonyụn̄ n̄n̄wan̄a ukpọn̄ mi nnọ idemmi.+ Koro n̄kesisan̄ade ye otuowo, N̄kesisan̄a sụn̄sụn̄ ke iso mmọ n̄ka ufọk Abasi,+ Ye n̄kpo idara ye ekọm,+ Eke otuowo emi ẹnịmde usọrọ.+   O ukpọn̄ mi, nso inam afo ofụhọde,+ Nso inam afo onyụn̄ etịmerede mi ke idem?+ Bet Abasi,+ Koro nyosụk ntoro enye nte akwa edinyan̄a mi.+   O Abasi mi, ukpọn̄ mi omofụhọ.+ Ntak edi oro ntide fi,+ Ke adan̄aemi ndude ke isọn̄ Jordan ye ke mme etịn̄e obot Hermon,+ Ke adan̄aemi ndude ke ekpri obot.+   Udem ofiori okot udem Ke uyom udammọn̄ fo. Kpukpru aya fo ye mbufụt fo+ Mmọ ẹmefụk mi.+   Jehovah oyowụk ima-mfọnido esie ke uwemeyo,+ Ikwọ esie oyonyụn̄ odu ye ami ke okoneyo;+ Nyọbọn̄ akam nnọ Abasi uwem mi.+   Nyọdọhọ Abasi kpa akwa itiat mi nte:+ “Ntak emi afo efrede mi?+ Ntak emi ami nsan̄ade mfụhọ mfụhọ ke ntak ufịk mme asua?”+ 10  Mmọ eke ẹsuade mi ẹmenọ mi unan n̄kpa ke ọkpọ ẹnyụn̄ ẹsuene mi,+ Ke adan̄aemi mmọ ẹdọhọde mi ofụri usen ẹte: “Enye Abasi fo?”+ 11  O ukpọn̄ mi, nso inam afo ofụhọde,+ Nso inam afo onyụn̄ etịmerede mi ke idem?+ Bet Abasi,+ Koro nyosụk ntoro enye nte akwa edinyan̄a mi ye nte Abasi mi.+

Mme Ikọ Idakisọn̄