Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 41;1-13

Ẹnọ adausụn̄. Ikwọ David. 41  Owo ekededi emi ekerede aban̄a usụhọde owo okop inemesịt;+ Jehovah ọyọnọ enye edinyan̄a ke usen afanikọn̄.+   Jehovah eyekpeme enye onyụn̄ enịm enye uwem.+ Ẹyedọhọ ke enye okop inemesịt ke isọn̄;+ Ndien afo ukemeke ndiyak enye nnọ ukpọn̄ mme asua esie.+   Jehovah eyese aban̄a enye ke bed udọn̄ọ esie;+ Afo oyokpụhọ ofụri bed esie ke ini udọn̄ọ esie.+   Ndien ami ndọhọ nte: “O Jehovah, tua mi mbọm.+ Nam udọn̄ọ okụre ukpọn̄ mi, koro mmedue fi.”+   Amaedi mme asua mi, mmọ ẹtịn̄ idiọk ẹban̄a mi ẹte:+ “Ini ewe ke enye edikpa, enyịn̄ esie edinyụn̄ atak?”   Edieke owo onyụn̄ edide edise mi, esịt esie editịn̄ se mîdịghe akpanikọ;+ Enye oyoyom se adade anam ibak; Enye ọyọwọrọ; eyetịn̄ aban̄a emi ke an̄wa.+   Kpukpru mbon oro ẹdianade kiet ẹsua mi ẹdọn̄ odu ye kiet eken;+ Mmọ ẹdiomi se idiọkde ẹban̄a mi,+ ẹte:   “Ẹn̄wan̄a obukpo n̄kpọ ẹduọk enye;+ Ke emi enye ama akanyanade ana, enye ididahake aba ida.”+   N̄ko, owo emi odude ke emem ye ami, emi ami mbuọtde idem,+ Emi atade uyo mi,+ emenede nditịn̄ikpat esie edịghi mi.+ 10  Amaedi afo, O Jehovah, tua mi mbọm nyụn̄ nam mi ndaha nda,+ Man nsio mmọ usiene.+ 11  Emi ke nda mfiọk ke afo amadat esịt ye ami, Koro asua mi mîsioho n̄kpo edikan iban̄a mi.+ 12  Ndien afo omomụm mi akama ke ntak nsọn̄ọnda mi,+ Afo oyonyụn̄ anam mi ndu ke iso fo ke nsinsi.+ 13  Itoro enyene Jehovah Abasi Israel+ Ke nsinsi nsinsi.+ Amen ye Amen.+

Mme Ikọ Idakisọn̄