Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 40;1-17

Ẹnọ adausụn̄. Ikwọ David. 40  Ami n̄kenen̄ede ndori enyịn ke Jehovah,+Mmọdo enye ọbiọn̄ utọn̄ onyụn̄ okop eseme emi nsemede nyom un̄wam.+   Enye n̄ko osio mi ke obube oro oyomode,+Osio mi ke okpụk.+Ndien enye emenede ikpat mi odori ke akwa itiat;+Anam ukot mi ọsọn̄ọ ada.+   N̄ko-n̄ko, enye esịn mi obufa ikwọ ke inua,Kpa itoro Abasi nnyịn.+Ediwak owo ẹyekụt emi ẹnyụn̄ ẹfehe ndịk,+Mmọ ẹyenyụn̄ ẹbuọt idem ye Jehovah.+   Owo emi ọbuọtde idem ye Jehovah,+Emi mînyụn̄ iwọn̄ọkede iso ise mbon nsọn̄ibuot, M̀mê mbon oro ẹwahade ẹbịne nsu, okop inemesịt.+   Afo amanam ediwak n̄kpọ,+O Jehovah Abasi mi, idem mme utịbe utom fo ye ekikere fo kaban̄a nnyịn;+Idụhe owo eke ẹkemede ndimen ndomo ye afo.+N̄kpoyom nditịn̄ nnyụn̄ mbụk mmọ,Mmọ ẹwak ẹkan nte n̄kemede ndibụk.+   Uwa ye enọ ikadatke fi esịt;+Afo ama esịrede mi utọn̄.*+Afo ukoyomke edifọp uwa ye uwa idiọkn̄kpọ.+   Ndien ndọhọ nte: “Sese mmedi,+Ẹwet ẹban̄a mi ke ikpan̄wed.+   Mmadat esịt ndinam uduak fo, O Abasi mi,+Ibet fo onyụn̄ odu mi ke ọwọn̄esịt.+   Mmobụk eti mbụk edinen ido ke akwa esop.+Sese! n̄kibike n̄kpọkinua mi.+O Jehovah afo emetịm ọfiọk oro.+ 10  Ndịpke edinen ido fo ke esịt mi.+Mmatan̄a akpanikọ fo ye edinyan̄a fo.+Ndịpke ima-mfọnido fo ye akpanikọ fo ke akwa esop.”+ 11  O Jehovah, kûtre nditua mi mbọm.+Yak ima-mfọnido fo ye akpanikọ fo ẹkpeme mi kpukpru ini.+ 12  Koro afanikọn̄ ẹma ẹkan mi ẹkụk tutu n̄kemeke ndibat mmọ.+Uwak ndudue mi ẹfụk mi tutu n̄kemeke ndikụt n̄kpọ;+Mmọ ẹwak ẹkan idet ibuot mi,+Esịt mi onyụn̄ ọkpọn̄ mi.+ 13  O Jehovah, yak enem fi esịt ndinyan̄a mi.+O Jehovah wara din̄wam mi.+ 14  Bụt ye esuene ẹkpekam ẹnam kpukpru mmọ+Emi ẹyomde ukpọn̄ mi man ẹkpọri enye ẹfep.+Mbon oro ẹdatde esịt ẹban̄a afanikọn̄ mi ẹkpekam ẹfiak edem ẹnyụn̄ ẹdia esuene.+ 15  Yak mmọ ẹda ẹse ke n̄kpaidem ke ntak bụt+ mmọKpa mmọ emi ẹdọhọde mi ẹte: “Aha! Aha!”+ 16  Yak kpukpru mbon oro ẹyomde fi ẹdara,+Ẹnyụn̄ ẹdat esịt ke afo.+Yak mbon oro ẹmade edinyan̄a fo+Ẹdọhọ kpukpru ini ẹte: “Ubọn̄+ enyene Jehovah.” 17  Edi ami ndi owo ukụt ye ubuene.+Jehovah abat mi ke n̄kpọ.+Afo edi un̄wam mi ye Andinyan̄a mi.+O Abasi, kûnam ubịghi.+

Mme Ikọ Idakisọn̄

Ndusụk uwetn̄kpọ Septuagint ẹdọhọ, “Afo ukoyomke uwa ye enọ, edi ama eben̄e ikpọkidem ọnọ mi.” Men Heb 10:5 domo.