Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 39;1-13

Ẹnọ adausụn̄ ke Jeduthun.+ Ikwọ David. 39  Ami n̄kọdọhọ nte: “Nyekpeme usụn̄ mi+ Mbak ndidue ke edeme mi.+ Ami nyada n̄kpahainua n̄kpaha inua mi,+ Adan̄a nte idiọkowo ekededi odude mi ke iso.”+   Ami ndop nnyụn̄ nsioroke uyo;+ N̄kịbi inua mi ntịn̄ke se ifọnde,+ Ndien mfịk ubiak mi nnịm.   Esịt mi ofiop;+ Nsak nte ikan̄ ke ini nsemede. Nda edeme mi ndọhọ nte:   “O Jehovah, nam mi mfiọk utịt mi,+ Ye ibat usen mi—se enye edide,+ Man ami mfiọk nte usen mi omụhọde.+   Sese! Afo amanam usen mi edi ibat ibat kpọt;+ Ndien ibat isua uwem mi idịghe baba n̄kpọ kiet ke iso fo.+ Ke akpanikọ, kpukpru owo, okposụkedi ẹsọn̄ọde ẹda, ẹdi sụk ibifịk.+ Selah.   Ke akpanikọ, owo asan̄a nte mbukpọn̄.+ Ke akpanikọ, mmọ ẹyomo uyom ke ikpîkpu.+ Owo ọkọ mme n̄kpọ obon inyụn̄ ifiọkke owo eke editan̄de mmọ.+   Ndien, ke emi, idotenyịn mi edi nso, O Jehovah? Ami ndori enyịn ke afo.+   Nyan̄a mi sio ke kpukpru ndudue mi.+ Kûyak anana-ibuot owo esuene mi.+   Mma ndop uyo;+ n̄kekemeke nditat inua mi,+ Koro afo akanam.+ 10  Men ufen fo ke idem mi fep.+ Ami mmesịm utịt ke ntak usua emi otode ubọk fo.+ 11  Afo amada nsuannọ enen̄ede ndudue owo,+ Onyụn̄ abiat ndiye n̄kpọ esie nte utan̄kpọ.+ Ke akpanikọ kpukpru owo ẹdi ibifịk.+ Selah. 12  Kop akam mi, O Jehovah, Nyụn̄ kpan̄ utọn̄ ke ini nsemede nyom un̄wam.+ Kûdodop use mmọn̄eyet mi.+ Koro ami ndide esenowo nnọ fi,+ Ndi odudụn̄ kpa nte kpukpru mme ete ete mi.+ 13  Men enyịn fo fep ke idem mi, man idem ayama mi+ Mbemiso mbede mfep nnyụn̄ ndụhe aba.”+

Mme Ikọ Idakisọn̄