Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 38;1-22

Ikwọ David, ndida nti. 38  O Jehovah, kûsua unọ mi ke iyatesịt fo,+ Kûnyụn̄ unen̄ede mi ke ifụtesịt fo.+   Koro mme idan̄ fo ẹmedụk mi esịt idem,+ Ubọk fo omonyụn̄ osụhọde odoro mi.+   Baba itie kiet eke ọfọnde idụhe mi ke idem ke ntak ufen fo.+ Mme ọkpọ mi inyeneke ifụre ke ntak idiọkn̄kpọ mi.+   Koro mme ndudue mi ẹmedọk ẹbe ibuot mi;+ Nte ndodobi mbiomo mmọ ẹmedobi ẹkan mi.+   Mme inia mi ẹmetebe, mmọ ẹmedụk imịn, Ke ntak ndisịme mi.+   Idem mi etịmede, mmonụhọ mbe nde;+ Nsan̄a mfụhọ mfụhọ kpukpru usen.+   Koro ufiop ọyọhọde mi ke isịn, Ndien baba itie kiet eke ọfọnde idụhe mi ke idem.+   Ibikpai omodoro mi, mmonyụn̄ nnuaha mbe nde; Mmokụni ke ntak mmụm esịt mi.+   O Jehovah, kpukpru se idọn̄de mi ẹdu fi ke iso, Eseme mi inyụn̄ idịbeke fi.+ 10  Mmokop ọkpọsọn̄ iduọesịt, odudu mi onyụn̄ okụre, Ndien un̄wana n̄ko idụhe mi ke enyịn.+ 11  Amaedi mbon ima mi ye mme nsan̄a mi, mmọ ẹda nsannsan ẹkpọn̄ mi ke udọn̄ọ mi,+ Mme ọdiọn̄ọ mi ẹnyụn̄ ẹda nsannsan.+ 12  Edi mbon oro ẹyomde ukpọn̄ mi ẹmekọk afia,+ Mbon oro ẹnyụn̄ ẹyomde ndinam nnanenyịn esịm mi ẹmetịn̄ ẹban̄a nnama,+ Ẹnyụn̄ ẹtịn̄ ikọ abian̄a ofụri usen.+ 13  Amaedi ami, ukem nte inan, ami n̄kpan̄ke utọn̄;+ Nte imụm, ami ntatke inua mi.+ 14  Ndien ami n̄kabade mbiet owo emi mîkopke ikọ, Mfan̄a inyụn̄ idụhe mi ke inua. 15  Koro afo ke ami n̄kebet, O Jehovah;+ Afo ama eyere, O Jehovah Abasi mi.+ 16  Koro n̄kọdọhọ nte: “Afo mûyereke, mmọ ẹyedat esịt ẹban̄a mi;+ Ke ini ukot mi ofụmerede,+ mmọ ẹyekohode idem ẹbiọn̄ọ mi.”+ 17  Koro n̄kekperede ndiduọ,+ Ndien mma n̄kop ubiak kpukpru ini.+ 18  Koro n̄kayararede ndudue mi;+ Ntọn̄ọ nditịmede esịt mban̄a idiọkn̄kpọ mi.+ 19  Ndien mme asua mi ẹkop odudu ẹnyụn̄ ẹnyene uko,+ Mbon oro ẹnyụn̄ ẹsuade mi ke unana ntak ẹkabade ẹwak.+ 20  Ndien mmọ ẹda idiọk ẹsio mi usiene eti;+ Mmọ ẹsua mi ke ami ndinam se ifọnde.+ 21  Kûkpọn̄ mi, O Jehovah. O Abasi mi, kûda nsannsan ukpọn̄ mi.+ 22  Wara din̄wam mi,+ O Jehovah, edinyan̄a mi.+

Mme Ikọ Idakisọn̄