Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 37;1-40

Eke David. א [ʼAleph] 37  Kûyat esịt uban̄a mme anamidiọk.+ Kûfịbe mbon oro ẹnamde ukwan̄ido ufụp.+   Koro mmọ ẹyewara ndiyemede nte mbiet,+ Ẹyenyụn̄ ẹyemede nte nsehe awawa mbiet.+ ב [Behth]   Buọt idem ye Jehovah nyụn̄ nam se ifọnde;+ Dụn̄ ke isọn̄, nyụn̄ nam akpanikọ.+   N̄ko, nen̄ede dat esịt ke Jehovah,+ Ndien enye ọyọnọ fi se esịt fo oyomde.+ ג [Gimel]   Kpat usụn̄ fo nọ Jehovah,+ Nyụn̄ beri edem ke enye,+ ndien enye eyese aban̄a fi.+   Enye oyonyụn̄ anam edinen ido fo ayama nte un̄wana,+ Ye unenikpe fo nte ufọt uwemeyo.+ ד [Daleth]   Dop uyo ke iso Jehovah+ Nyụn̄ bet enye ye ọkpọsọn̄ udọn̄.+ Kûyat esịt ye owo ekededi eke okụtde unen ke usụn̄ esie,+ Ye owo eke anamde ekikere idemesie.+ ה [Heʼ]   Tre iyatesịt nyụn̄ kpọn̄ ifụtesịt;+ Kûyat esịt koro emi adade esịm ndinam idiọk.+   Koro ẹyesịbe mme anamidiọk ẹfep,+ Edi mmọ eke ẹdoride enyịn ke Jehovah ẹyeda isọn̄ ẹnyene.+ ו [Waw] 10  Ndien ayak esisịt, idiọkowo ididụhe aba;+ Afo oyonyụn̄ etịn̄ enyịn ke ebiet esie, ndien enye ididụhe.+ 11  Edi mbon nsụkidem ẹyeda isọn̄ ẹnyene,+ Ediwak emem oyonyụn̄ adat mmọ esịt.+ ז [Zayin] 12  Idiọkowo aduak idiọk aban̄a edinen owo,+ Onyụn̄ ata edet esie ese enye.+ 13  Jehovah ayasak enye,+ Koro Enye okụtde ke usen esie eyedi.+ ח [Chehth] 14  Mme idiọkowo ẹsio akan̄kan̄ mmọ ẹnyụn̄ ẹkọk utịgha mmọ,+ Man ẹnam owo ukụt ye ubuene ẹduọn̄ọ,+ Man ẹwot mbon oro usụn̄ mmọ enende.+ 15  Akan̄kan̄ mmọ oyodụk mmọ esịt,+ Mme utịgha mmọ ẹyenyụn̄ ẹbụn̄ọ.+ ט [Tehth] 16  Esisịt emi edinen owo enyenede+ Ọfọn akan akpakịp inyene ediwak mme idiọkowo.+ 17  Koro ẹyebụn̄ mme idiọkowo ubọk,+ Edi Jehovah ọyọnọ ndinen owo ibetedem.+ י [Yohdh] 18  Jehovah ọfiọk mme usen mbon oro mînyeneke ndudue,+ Ndien udeme mmọ ayaka iso odu ke nsinsi.+ 19  Bụt idinamke mmọ ke ini afanikọn̄,+ Mmọ ẹyenyụn̄ ẹdia ẹyụhọ ke ini akan̄.+ כ [Kaph] 20  Koro mme idiọkowo ẹyetak,+ Ndien mme asua Jehovah ẹyetie nte uyai awawa mbiet; Mmọ ẹyesịm utịt mmọ.+ Mmọ ẹyesịm utịt mmọ ke nsụn̄ikan̄.+ ל [Lamedh] 21  Idiọkowo ọbọbuọt edi isioho,+ Edi edinen owo atua owo mbọm onyụn̄ ọnọ enọ.+ 22  Koro mbon emi enye ọdiọn̄de ẹyeda isọn̄ ẹnyene,+ Edi ẹyesịbe mbon oro enye osụn̄ide ẹfep.+ מ [Mem] 23  Jehovah ọsọn̄ọ ikpat owo,+ Enye onyụn̄ adat esịt ke usụn̄ esie.+ 24  Enye ọkpọdọduọ, idinyanakede ina,+ Koro Jehovah omụmde enye ubọk akama.+ נ [Nun] 25  N̄kedi eyenọwọn̄, mmonyụn̄ nsọn̄,+ Edi akanam n̄kwe nte ẹkpọn̄de edinen owo ofụri ofụri,+ M̀mê nte nditọ esie ẹben̄ede udia.+ 26  Enye atatua owo mbọm kpukpru usen onyụn̄ ọnọ ebuọt,+ Ntre nditọ esie ẹyebọ edidiọn̄.+ ס [Samekh] 27  Wọn̄ọde kpọn̄ se idiọkde nyụn̄ nam se ifọnde,+ Ndien dụn̄ ke isọn̄ ke nsinsi.+ 28  Koro Jehovah amade unenikpe,+ Ndien enye idikpọn̄ke mbon emi ẹsọn̄ọde ẹda ye enye.+ ע [ʽAyin] Ẹyekpeme mmọ ke nsinsi;+ Edi amaedi nditọ mme idiọkowo, ẹyesịbe mmọ ẹfep.+ 29  Ndinen owo ẹyeda isọn̄ ẹnyene,+ Ẹnyụn̄ ẹdụn̄ ke esịt ke nsinsi.+ פ [Peʼ] 30  Inua edinen owo etịn̄ ọniọn̄ ke nsụhọde-uyo,+ Edeme esie onyụn̄ etịn̄ se inende.+ 31  Ibet Abasi esie odu enye ke esịt;+ Ukot esie idisehekede.+ צ [Tsadheh] 32  Idiọkowo etie ebet edinen owo+ Onyụn̄ oyom ndiwot enye.+ 33  Edi Jehovah idiyakke enye isịn owo oro ke ubọk,+ Idinyụn̄ ibiomke enye ikpe nte idiọkowo ke ini ẹkpede ikpe esie.+ ק [Qohph] 34  Dori enyịn ke Jehovah nyụn̄ tiene usụn̄ esie,+ Ndien enye eyemenede fi ke enyọn̄ man ada isọn̄ enyene.+ Ke ini ẹsobode mme idiọkowo ẹfep, afo oyokụt.+ ר [Rehsh] 35  Mmokụt idiọkowo emi edide owo ufịk+ Onyụn̄ atuarade nte eto eke ọkọride ofụhọ ke isọn̄ emi enye etịbede.+ 36  Ndien enye ebe efep, enye inyụn̄ idụhe aba;+ Nyom enye, ndien n̄kwe enye.+ ש [Shin] 37  Se owo eke mînyeneke nduduọhọ nyụn̄ wụk enyịn ke owo eke enende,+ Koro ini iso owo oro editie emem emem.+ 38  Edi ẹyesobo kpukpru mme abiatibet;+ Ẹyesịbe ini iso mme idiọkowo ẹfep.+ ת [Taw] 39  Ndien edinyan̄a ndinen owo oto Jehovah;+ Enye edi ebiet ubọhọ mmọ ke ini nnanenyịn.+ 40  Ndien Jehovah ayan̄wam mmọ onyụn̄ ọnọ mmọ ubọhọ.+ Enye ayanam mmọ ẹbọhọ mme idiọkowo onyụn̄ anyan̄a mmọ,+ Koro mmọ ẹdade enye ke ebiet ubọhọ.+

Mme Ikọ Idakisọn̄