Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 36;1-12

Ẹnọ adausụn̄. Eke David, asan̄autom Jehovah. 36  Ubiatibet etịn̄ ikọ ye idiọkowo ke ọwọn̄esịt esie;+Ndịk Abasi idụhe enye ke enyịn.+   Koro enye adade nneminua esie abian̄a idemesie,+Ikemeke ndikụt ndudue esie man asua.+   Ikọ inua esie edi ibak ye abian̄a;+Enye inyeneke ikike ndinam se ifọnde.+   Enye ana ke bed esie aduak ibak.+Ada ke usụn̄ eke mîfọnke.+Enye isịnke se idiọkde.+   O Jehovah, ima-mfọnido fo odu ke heaven;+Akpanikọ fo okon̄ esịm ikpaenyọn̄.+   Edinen ido fo ebiet mme obot Abasi;+Ubiereikpe fo edi akwa udem.+O Jehovah, afo amanyan̄a owo ye unam.+   Ima-mfọnido fo ọsọn̄ urua didie ntem, O Abasi!+Nditọ owo ẹnyụn̄ ẹdịbe ke mfụt mba fo.+   Mmọ ẹn̄wọn̄ isek ufọk fo ẹyụhọ;+Afo omonyụn̄ anam mmọ ẹn̄wọn̄ mmọn̄ idịm inemesịt fo.+   Koro afo edide ntọn̄ọ uwem;+Un̄wana fo anam nnyịn ikeme ndikụt un̄wana.+ 10  Ka iso wụt mmọ eke ẹfiọkde fi ima-mfọnido fo,+Nyụn̄ wụt mmọ eke esịt mmọ enende edinen ido fo.+ 11  O kûyak ukot iseri ebịne mi;+Amaedi ubọk mme idiọkowo, kûyak enye anam mi ndi andiyo.+ 12  Do ke mme anam ibak ẹduọn̄ọ;+Ẹmeberi mmọ ẹduọk ke isọn̄ ndien mmọ ikemeke ndidaha nda.+

Mme Ikọ Idakisọn̄