Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 35;1-28

Eke David. 35  O Jehovah, kpe ikpe mi ye mbon oro ẹbiọn̄ọde mi;+N̄wana ekọn̄ ye mbon oro ẹn̄wanade ekọn̄ ye ami.+   Men ekpri ye akamba otuekọn̄,+Nyụn̄ daha da n̄wam mi,+   Ndien sio eduat ye ekụri iso iba ka kosobo ye mmọ eke ẹbịnede mi.+Dọhọ ukpọn̄ mi ete: “Ami ndi edinyan̄a fo.”+   Bụt ye esuene ẹkpekam ẹnam mmọ emi ẹyomde ukpọn̄ mi.+Mmọ oro ẹduakde afanikọn̄ ẹban̄a mi ẹkpekam ẹfiak edem ẹnyụn̄ ẹdu ke ndutịme.+   Mmọ ẹkpekam ẹkabade ẹtie nte mbio ke iso ofụm,+Ndien yak angel Jehovah asuan mmọ.+   Yak usụn̄ mmọ akabade edi ekịm ye mfọfiọnọ ebiet,+Ndien yak angel Jehovah ebịne mmọ.   Koro mmọ ẹmedịp obube emi ẹfụkde iyịre ẹnọ mi ke unana ntak;+Mmọ ẹmetịbi enye ẹnọ ukpọn̄ mi ke unana ntak.+   Yak nsobo esịm enye ke unana idotenyịn,+Yak iyịre emi enye ekedịpde onyụn̄ omụm enye;+Yak enye ọduọ odụk ke esịt, nsobo esịm enye.+   Edi yak ukpọn̄ mi adara ke Jehovah;+Yak enye adara ke edinyan̄a esie.+ 10  Yak kpukpru mme ọkpọ mi ẹdọhọ ẹte:+“O Jehovah, anie ebiet fi,+Emi anyan̄ade owo ukụt osio ke ubọk owo eke okopde odudu akan enye,+Onyụn̄ anyan̄ade owo ukụt ye ubuene osio ke ubọk owo eke owode enye?”+ 11  Mme ntiense afai ẹmedaha ẹda;+Mmọ ẹbụp mi se mmemfiọkke.+ 12  Mmọ ẹda idiọk ẹsio mi usiene eti,+Ukpọn̄ mi onyụn̄ ofụhọ.+ 13  Amaedi ami, ke ini mmọ ẹkedọn̄ọde, edisịnen̄kpọ mi ekedi ọfọn̄ ntuan̄a,+Mma nda utreudia ntụk ukpọn̄ mi,+Akam mi akatak mi ke ikpanesịt.+ 14  Nte n̄kpọ eke mfụhọde ufan, m̀mê eyeneka mi,+N̄wọrọ nsan̄a nte owo emi ofụhọde eka.+Nnụhọ nnyụn̄ nsan̄a mfụhọ mfụhọ. 15  Edi mmọ ẹdara nte ami nsọkde isan̄ ẹnyụn̄ ẹsop idem ọtọkiet;+Mmọ ẹsop idem ọtọkiet ẹban̄a mi,+Ẹtọ mi ẹduọk ke isọn̄ ke unana idotenyịn;+Mmọ ẹwai mi mbai mbai inyụn̄ idopke uyo.+ 16  Ke otu mbon mfiakedem emi ẹsakde nsahi man ẹbọ edisan̄ uyo+Mmọ ẹta edet mmọ ẹse mi.+ 17  O Jehovah, adan̄a didie ke afo edise emi?+Fak ukpọn̄ mi sio ke nsobo mmọ,+Kpa ukpọn̄ mi kierakiet+ ke inua abak nyara ekpe. 18  Ami nyotoro fi ke akwa esop;+Nyotoro fi ke otu ediwak owo.+ 19  O kûyak mbon emi ẹdide mme asua mi ke unana ntak ẹdara ẹban̄a mi;+Amaedi mmọ eke ẹsuade mi ke unana ntak, kûyak mmọ ẹyịp enyịn.+ 20  Koro mmọ mîtịn̄ke ikọ emem;+Edi ẹkere ikọ abian̄a Ẹban̄a sụn̄sụn̄ mbon isọn̄.+ 21  Ndien mmọ ẹn̄wan̄ade inua ẹse mi.+Mmọ ẹdọhọ ẹte: “Aha! Aha! enyịn nnyịn omokụt.”+ 22  Afo omokụt O Jehovah.+ Kûdop uyo.+O Jehovah, kûda nsannsan ukpọn̄ mi.+ 23  Demede nyụn̄ daha da kpe ikpe mi,+O Abasi mi, Jehovah, daha da kpe ikpe mi.+ 24  Kpe ikpe mi nte ekemde ye edinen ido fo, O Jehovah Abasi mi,+Kûnyụn̄ uyak mmọ ẹdara ẹban̄a mi.+ 25  O kûyak mmọ ẹdọhọ ke esịt mmọ ẹte: “Aha, se ukpọn̄ nnyịn oyomde edi oro!”+Kûyak mmọ ẹdọhọ: “Nnyịn imemen enye imen.”+ 26  Yak bụt ye esuene anam kpukpru mmọ+Emi ẹdarade ẹban̄a afanikọn̄ mi.+Yak mbon oro ẹkohorede idem ẹbiọn̄ọ mi+ ẹsịne bụt+ ye esuene. 27  Yak mmọ eke ẹmade edinen ido mi ẹsio n̄kpo idara ẹnyụn̄ ẹdat esịt,+Ndien yak mmọ ẹdọhọ kpukpru ini ẹte:+“Yak ubọn̄ enyene Jehovah, emi adatde esịt ke emem asan̄autom esie.”+ 28  Yak edeme mi etịn̄ ke nsụhọde-uyo aban̄a edinen ido fo,+Onyụn̄ otoro fi ofụri usen.+

Mme Ikọ Idakisọn̄