Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 27;1-14

Eke David. 27  Jehovah edi un̄wana+ mi ye edinyan̄a mi.+ Anie ke ami ndifehe?+ Jehovah edi ọkpọsọn̄ ebiet ọnọ uwem mi.+ Anie ke ami ndibak?+   Ke ini mme anamidiọk ẹsan̄ade ẹkpere mi ndita obụkidem mi,+ Koro mmọ ẹdide mme andibiọn̄ọ mi ye mme asua mi,+ Mmọ ẹtuak ukot ẹduọn̄ọ.+   Mbonekọn̄ ẹkpewụk tent ndin̄wana ye ami,+ Esịt mi idifeheke ndịk.+ Ẹkpeda ekọn̄ ẹbịne mi,+ Ami nyosụk mbuọt idem.+   N̄kpọ kiet ke ami mben̄e Jehovah+ Kpa oro ke ami nyom,+ Ndidụn̄ ke ufọk Jehovah ke ofụri eyouwem mi,+ Man nse uyai Jehovah+ Nnyụn̄ nse temple esie ye inemesịt.+   Koro enye eyedịp mi ke ataya esie ke usen afanikọn̄;+ Enye eyedịp mi ke ndedịbe ebiet tent esie;+ Enye oyodori mi ke edikon̄ itiat.+   Ndien ibuot mi oyokon̄ akan mme asua mi emi ẹdude ẹkanade mi;+ Ami nyonyụn̄ n̄wa mme uwa n̄kpo idara ke tent esie;+ Nyọkwọ edinem ikwọ nnọ Jehovah.+   O Jehovah, kop ke ini n̄kotde ke uyo mi,+ Ndien tua mi mbọm nyụn̄ yere mi.+   Esịt mi asian mi ete ke afo ọdọhọ ete: “Mbufo ẹyom iso mi.”+ Ami nyoyom iso fo, O Jehovah.+   Kûdịp mi iso fo.+ Kûda iyatesịt ubịn asan̄autom fo ufep.+ Afo enyene ndin̄wam mi.+ Kûsịn mi, kûnyụn̄ ukpọn̄ mi, O Abasi edinyan̄a mi.+ 10  Edieke ete mi ye eka mi ẹkpekpọn̄de mi,+ Jehovah ekpemen mi akama.+ 11  Teme mi usụn̄ fo, O Jehovah,+ Nyụn̄ da mi san̄a ke usụn̄ edinen ido ke ntak mme asua mi. 12  Kûyak mi unọ ukpọn̄ mme asua mi;+ Koro mme ntiense nsu ẹmedaha ẹda ẹban̄a mi,+ Ye owo emi anamde afai.+ 13  Mîkpedịghe emi n̄kenyenede mbuọtidem ndikụt mfọn Jehovah ke isọn̄ mme odu-uwem+—! 14  Dori enyịn ke Jehovah;+ nyene uko nyụn̄ sọn̄ esịt.+ Ih, dori enyịn ke Jehovah.+

Mme Ikọ Idakisọn̄