Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 25;1-22

Eke David. א [ʼAleph] 25  Mman̄wan̄a ukpọn̄ mi nnọ fi, O Jehovah.+ ב [Behth]   O Abasi mi, mmọbuọt idem ye afo;+ O kûyak bụt anam mi. Kûyak mme asua mi ẹdara ẹban̄a mi.+ ג [Gimel]   N̄ko, bụt idinamke baba owo eke odoride enyịn ke afo.+ Bụt ayanam mbon abian̄a emi mîkwe unen.+ ד [Daleth]   Nam mi mfiọk usụn̄ fo, O Jehovah;+ Teme mi usụn̄ fo.+ ה [Heʼ]   Nam mi nsan̄a ke akpanikọ fo nyụn̄ kpep mi,+ Koro afo edide Abasi edinyan̄a mi.+ ו [Waw] Mmodori enyịn ke afo ofụri usen.+ ז [Zayin]   Ti mbọm fo,+ O Jehovah, ye ima-mfọnido fo,+ Koro mmọ ẹdude ke nsinsi.+ ח [Chehth]   Mbọk kûti idiọkn̄kpọ ini uyen mi ye nsọn̄ibuot mi.+ Ti mi nte ima-mfọnido fo edide,+ Ke ntak eti ido fo, O Jehovah.+ ט [Tehth]   Jehovah ọfọn onyụn̄ enen.+ Ntak edi oro enye etemede mme anamidiọk usụn̄ eke enende.+ י [Yohdh]   Enye ayanam mbon nsụkidem ẹsan̄a ke ubiereikpe esie,+ Oyonyụn̄ ekpep mbon nsụkidem usụn̄ esie.+ כ [Kaph] 10  Kpukpru usụn̄ Jehovah ẹdi ima-mfọnido ye akpanikọ Ọnọ mmọ eke ẹnịmde ediomi+ esie ẹnyụn̄ ẹnamde se enye etide mmọ.+ ל [Lamedh] 11  Ke ntak enyịn̄ fo, O Jehovah,+ Fen ndudue mi, koro enye okponde.+ מ [Mem] 12  Anie edi owo emi abakde Jehovah?+ Enye eyeteme enye usụn̄ eke enye emekde.+ נ [Nun] 13  Ukpọn̄ esie oyokụt se ifọnde,+ Ndien nditọ esie ẹyeda isọn̄ ẹnyene.+ ס [Samekh] 14  Mmọ eke ẹbakde Jehovah ẹdi ata ufan esie,+ Mmọ n̄ko ke enye anam ẹfiọk ediomi esie.+ ע [ʽAyin] 15  Enyịn mi ese Jehovah kpukpru ini,+ Koro enye osiode ukot mi ke iyịre.+ פ [Peʼ] 16  Wọn̄ọde iso se mi, nyụn̄ tua mi mbọm;+ Koro ami ndide ikpọn̄ nnyụn̄ ndude ke ukụt.+ צ [Tsadheh] 17  Mfụhọ esịt mi omokpon;+ Mbọk sio mi ke nnanenyịn emi esịmde mi.+ ר [Rehsh] 18  Se ukụt mi ye afanikọn̄ mi,+ Nyụn̄ dahado ke kpukpru mme idiọkn̄kpọ mi.+ 19  Sese nte mme asua mi ẹwakde,+ Mmọ ẹmenyụn̄ ẹsua mi afai afai.+ ש [Shin] 20  Kpeme ukpọn̄ mi nyụn̄ nyan̄a mi.+ Kûyak bụt anam mi, koro ndade fi ke ebiet ubọhọ.+ ת [Taw] 21  Yak nsọn̄ọnda ye edinen ido ẹkpeme mi,+ Koro ndoride enyịn ke afo.+ 22  O Abasi, fak Israel sio ke kpukpru nnanenyịn esie.+

Mme Ikọ Idakisọn̄