Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 24;1-10

Eke David. Ikwọ. 24  Isọn̄ ye se iyọhọde ke esịt ẹnyene Jehovah,+Ererimbot ye mme andidụn̄ ke enye.+   Koro enye ọsọn̄ọde owụk enye ke inyan̄,+Onyụn̄ anam enye ọsọn̄ọ owụhọ ke akpa mmọn̄.+   Anie edidọk obot Jehovah,+Anie edinyụn̄ ọdọk aka edisana ebiet esie?+   Owo ekededi eke ubọk esie asanade, esịt esie mînyụn̄ ideheke,+Eke mîdaha ukpọn̄ Mi inam ikpîkpu n̄kpọ,+Mînyụn̄ idaha un̄wọn̄ọ ke abian̄a.+   Enye ọyọbọ Jehovah edidiọn̄+Onyụn̄ ọbọ Abasi edinyan̄a esie edinen ido.+   Emi edi emana mmọ eke ẹyomde enye,Eke mbon oro ẹyomde iso fo, O Abasi Jacob.+ Selah.   “Ẹmenede ibuot, O mbufo mme inuaotop,+Ẹnyụn̄ ẹmenede idem mbufo ke enyọn̄, O mbufo mme enyịnusụn̄ eset,+Man ubọn̄ ubọn̄ Edidem okpodụk edi!”+   “Anie, ndien, edi ubọn̄ ubọn̄ Edidem emi?”+“Jehovah emi edide ọkpọsọn̄ ye uko,+Jehovah emi edide uko ke ekọn̄.”+   “Ẹmenede ibuot, O mbufo mme inuaotop;+Ih, ẹmenede ibuot ke enyọn̄, O mbufo mme enyịnusụn̄ eset,Man ubọn̄ ubọn̄ Edidem okpodụk edi!”+ 10  “Anie, ndien, ededi ubọn̄ ubọn̄ Edidem emi?”“Jehovah mme udịm—⁠enye edi ubọn̄ ubọn̄ Edidem.”+ Selah.

Mme Ikọ Idakisọn̄