Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 22;1-31

Ẹnọ adausụn̄ ke ikwọ Uman Edop Usiere. Ikwọ David. 22  Abasi mi, Abasi mi, ntak emi afo ọkpọn̄de mi?+ Ntak emi afo adade nsannsan mûnyan̄ake mi,+ Mûnyụn̄ ukopke uyo mfiori mi?+   O Abasi mi, ami mmokot fi ke uwemeyo, ndien afo uyereke;+ N̄kot ke okoneyo, nnyụn̄ ndopke uyo.+   Edi afo edi edisana,+ Odụn̄ ke itoro Israel.+   Mme ete nnyịn ẹkebuọt idem ye afo;+ Mmọ ẹma ẹbuọt idem, ndien afo anyan̄a mmọ.+   Mmọ ẹma ẹfiori ẹkot fi,+ ẹnyụn̄ ẹbọhọ;+ Mmọ ẹkebuọt idem ye afo, ndien bụt ikanamke mmọ.+   Edi, ami ndi utụn̄,+ ndịghe owo, Ndi n̄kpọ esuene nnọ mme owo nnyụn̄ ndi se ẹsede ke ndek.+   Kpukpru owo eke ẹkụtde mi ẹsak mi nsahi;+ Mmọ ẹn̄wan̄ade inua ẹnyụn̄ ẹfụn̄ ibuot mmọ, ẹte:+   “Enye akayak idemesie ọnọ Jehovah.+ Yak Enye anyan̄a enye!+ Yak enye anyan̄a enye, koro amade enye!”+   Koro afo edi Enye emi okodụride mi osio ke idịbi,+ Enye emi akanamde mi mbuọt idem ke adan̄aemi nsụk n̄wapde eba eka mi.+ 10  Ẹkesio mi ke itie eyen ẹtop ẹnọ fi;+ Toto ke idịbi eka mi afo edi Abasi mi.+ 11  Kûda nsannsan ukpọn̄ mi, koro nnanenyịn ekperede,+ Koro andin̄wam efen mîdụhe.+ 12  Ediwak abak nyara enan̄ ẹmekan mi ẹkụk;+ N̄kpọsọn̄ nyara enan̄ Bashan ẹkan mi ẹkụk.+ 13  Mmọ ẹn̄wan̄ade inua ẹse mi,+ Nte ekpe eke awaide n̄kpọ mbai mbai onyụn̄ okụnide.+ 14  Ẹmen̄wan̄a mi ẹduọk nte mmọn̄,+ Kpukpru ọkpọ mi ẹnyụn̄ ẹdian̄ade ẹkpọn̄ kiet eken.+ Esịt mi amakabade etie nte obukpa ọkwọk;+ Atara osụhọde ọdọn̄ọ mi esịtidem.+ 15  Odudu mi amasat nte ubak usiọn̄,+ Edeme mi onyụn̄ adiana mi ke nsịn̄;+ Afo omonyụn̄ esịn mi ke ntan n̄kpa.+ 16  Koro mme ebua ẹmekan mi ẹkụk;+ Otu mme anamidiọk ẹmekan mi ẹkụk.+ Mmọ ẹyịre mi ke ubọk ye ke ukot nte ekpe.+ 17  Mmekeme ndibat kpukpru mme ọkpọ mi.+ Mmọ ẹse, mmọ ẹwụk enyịn ẹse mi.+ 18  Mmọ ẹdeme ọfọn̄idem mi ẹda ke otu idemmọ,+ Ẹnyụn̄ ẹsịn afia ẹban̄a edisịnen̄kpọ mi.+ 19  Ndien afo, O Jehovah, kûda nsannsan.+ O afo emi edide odudu+ mi, wara din̄wam mi.+ 20  Nyan̄a ukpọn̄ mi sio ke akan̄kan̄,+ Nyan̄a ukpọn̄ mi kierakiet sio ebua ke inua;+ 21  Nyan̄a mi sio ekpe ke inua,+ Yere mi nyụn̄ nyan̄a mi sio ke nnụk editịm.+ 22  Nyatan̄a enyịn̄+ fo nnọ nditọete mi;+ Nyotoro fi ke otu esop.+ 23  Mbufo mme andibak Jehovah, ẹtoro enye!+ Kpukpru mbufo mfri Jacob, ẹnọ enye ubọn̄!+ Ẹnyụn̄ ẹkop ndịk ẹban̄a enye, kpukpru mbufo mfri Israel.+ 24  Koro enye mîsịnke ukụt owo ukụt ke ndek+ Mînyụn̄ isuaha ukụt esie;+ Inyụn̄ idịpke enye iso esie,+ Enye onyụn̄ okop ke ini enye esemede ọnọ enye oyom un̄wam.+ 25  Nyotoro fi ke akwa esop mban̄a se afo anamde;+ Nyosio akan̄a mi ke iso mbon oro ẹbakde enye.+ 26  Mbon nsụkidem ẹyedia ẹyụhọ;+ Mbon oro ẹyomde Jehovah ẹyetoro enye.+ Esịt mbufo akpakam odu uwem ke nsinsi.+ 27  Kpukpru owo ke isọn̄ ẹyeti ẹnyụn̄ ẹfiak ẹtiene Jehovah.+ Kpukpru ubon mme idụt ẹyenyụn̄ ẹnụhọ ẹnọ fi.+ 28  Koro itie edidem enyenede Jehovah,+ Enye onyụn̄ akara mme idụt.+ 29  Kpukpru ikpọ owo ke isọn̄ ẹyedia ẹnyụn̄ ẹnụhọ;+ Kpukpru mmọ eke ẹsụhọrede ke ntan ẹyenụhọ ke iso esie,+ Ndien baba owo kiet idikemeke ndinịm ukpọn̄ esie uwem.+ 30  Eyen* ayanam n̄kpọ esie;+ Eyetịn̄ aban̄a Jehovah ọnọ emana efen.+ 31  Mmọ ẹyedi ẹdibụk ẹban̄a edinen ido esie+ Ẹnọ mbon oro ẹdimanade, ẹte ke enye akanam emi.+

Mme Ikọ Idakisọn̄

M̀mê, “Mfri.”