Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 2;1-12

2  Ntak emi mme idụt ẹsịnde editịm+ Mme obio ẹnyụn̄ ẹnụnde ikpîkpu n̄kpọ?+   Ndidem isọn̄ ẹdaha ẹda,+ Ikpọ owo ẹnyụn̄ ẹsop idem ọtọkiet nte owo kiet+ Ndibiọn̄ọ Jehovah+ ye enye emi enye eyetde aran,+   Ẹdọhọde ẹte: “Ẹyak nnyịn ikịbi ubọpn̄kpọ mmọ+ Inyụn̄ ikịbi urụk mmọ ke idem nnyịn ifep!”+   Enye emi etiede ke heaven+ ayasak imam; Jehovah ayasak mmọ nsahi.+   Adan̄aoro enye eyetịn̄ ikọ ye mmọ ke iyatesịt esie+ Ndien enye ayada ọkpọsọn̄ ifụtesịt esie etịmede mmọ,+   Ọdọhọde ete: “Ami, mmodori edidem mi+ Ke Zion,+ kpa edisana obot mi.”+   Yak ntịn̄ mban̄a ewụhọ Jehovah; Enye ọdọhọ mi ete: “Afo edi eyen mi;+ Mfịn emi, ami mmakabade ndi ete fo.+   Ben̄e mi,+ man ami n̄kpọnọ fi mme idụt nte udeme fo+ N̄kponyụn̄ nnọ fi mme utịt isọn̄ nte inyene fo.+   Afo ayada esan̄ ukwak+ anuak mmọ, Afo ayanuak mmọ mbai mbai+ nte n̄kpọ eke anuakde esombat.” 10  Ndien, ke emi, O ndidem, ẹnam n̄kpọ ye ikike; Ẹyak ẹnen̄ede mbufo, O mme ebiereikpe ke isọn̄.+ 11  Ẹnam n̄kpọ Jehovah ye ndịk+ Ẹnyụn̄ ẹdara ye nnyekidem.+ 12  Ẹtịm eyen inua,+ mbak Enye ediyat esịt Ndien mbufo ẹtak ke usụn̄,+ Koro iyatesịt esie awarade ndibụmede.+ Kpukpru mbon emi ẹdade enye ke ebiet ubọhọ ẹkop inemesịt.+

Mme Ikọ Idakisọn̄