Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 18;1-50

Ẹnọ adausụn̄. Eke David asan̄autom Jehovah, emi eketịn̄de ikọ ikwọ emi ọnọ Jehovah ke usen emi Jehovah akanyan̄ade enye osio ke ubọk kpukpru mme asua esie ye ke ubọk Saul.+ Ndien enye ọdọhọ ete: 18  Nyama fi, O Jehovah odudu mi.+   Jehovah edi akwa itiat mi ye ọkpọsọn̄ ebiet mi ye Andinyan̄a mi.+ Abasi mi edi akwa itiat mi. Nyanam enye edi ebiet ubọhọ mi,+ Otuekọn̄ mi ye nnụk edinyan̄a mi, edikon̄ ebiet ubọhọ mi.+   Nyeseme n̄kot Jehovah, kpa Enye emi odotde itoro,+ Ndien enye ayanyan̄a mi osio mme asua mi ke ubọk.+   Mme urụk n̄kpa ẹkanade mi ẹkụk;+ Ukwọ mme obukpo owo n̄ko esịn idem enyek mi.+   Mme urụk Udi* ẹkanade mi ẹkụk;+ Mme afia n̄kpa ẹna mi ke iso.+   N̄kodu ke nnanenyịn mfiori n̄kot Jehovah, Nnyụn̄ nseme n̄kot Abasi mi nyom un̄wam.+ Enye etie ke temple esie okop uyo mi,+ Ndien eseme emi nsemede nyom un̄wam odụk enye utọn̄.+   Isọn̄ aduat onyụn̄ enyek,+ Mme itiat idakisọn̄ obot ẹnyụn̄ ẹnyek,+ Ndien mmọ ẹnyek koro ẹnamde esịt ayat enye.+   Nsụn̄ikan̄ oto enye ke ibuo ọwọrọ ọdọk, ikan̄ eke otode enye ke inua ọdọdiọn̄ ata n̄kpọ;+ Ukan̄ onyụn̄ oto enye obụbede asak.   Ndien enye onụk enyọn̄ onyụn̄ asan̄a osụhọde.+ Ọkpọsọn̄ ekịm onyụn̄ odu enye ke idak ikpat. 10  Enye odoro ke cherub efe edi,+ Enye onyụn̄ odoro ke mba edibotn̄kpọ eke spirit* edi.+ 11  Ekem enye anam ekịm edi ebiet udịbe esie,+ Emi akande enye okụk nte ataya esie, Nte obubịt mmọn̄ ye obubịt enyọn̄.+ 12  Obubịt enyọn̄ esie asan̄a ebe uyama emi odude enye ke iso,+ Edịm itiat ye mbubek ikan̄.+ 13  Ndien Jehovah etie ke heaven otop obuma,+ Ata Edikon̄ onyụn̄ osioro uyo,+ Edịm itiat ye mbubek ikan̄ ẹdep. 14  Ndien enye otop idan̄, man enye asuan mmọ;+ Anam emịnen̄mịnen̄ asiaha, man enye etịmede mmọ.+ 15  Ndien ẹda ẹkụt isọn̄ mmọn̄,+ Ẹnyụn̄ ẹkụt se imụmde isọn̄ ikama+ Ke nduari fo, O Jehovah, ke ọkpọsọn̄ ibifịk ibuo fo.+ 16  Enye etie ke enyọn̄ anyan ubọk esie ada mi,+ Enye odụri mi osio ke akamba mmọn̄.+ 17  Enye anyan̄a mi osio ke ubọk ọkpọsọn̄ asua,+ Onyụn̄ anyan̄a mi osio ke ubọk mbon oro ẹsuade mi; koro mmọ ẹsọn̄de odudu ẹkan mi.+ 18  Mmọ ẹbiọn̄ọ mi ke usen afanikọn̄,+ Edi Jehovah edi ibetedem mi.+ 19  Enye onyụn̄ ada mi ọwọrọ edi ebiet emi atarade;+ Enye anyan̄a mi, koro enye amade mi.+ 20  Jehovah ọnọ mi utịp nte ekemde ye edinen ido mi;+ Ọnọ mi utịp nte ubọk mi asanade.+ 21  Koro nsan̄ade ke usụn̄ Jehovah,+ Nnyụn̄ ndian̄akede n̄kpọn̄ Abasi mi, koro emi edide idiọk edinam.+ 22  Koro kpukpru ubiereikpe esie ẹdude mi ke iso,+ Ndinyụn̄ n̄wọn̄ọkede n̄kpọn̄ mme ewụhọ esie.+ 23  Ndien nyanana ndudue ke iso esie,+ Nyonyụn̄ n̄kpeme idem mbak ndinam ndudue.+ 24  Yak Jehovah onyụn̄ ọnọ mi utịp nte ekemde ye edinen ido mi,+ Ọnọ mi utịp nte ubọk mi asanade ke enyịn esie.+ 25  Afo ọyọsọn̄ọ ada ye owo emi ọsọn̄ọde ada;+ Oyonyụn̄ ọfọn ama ye owo eke ọfọnde ama;+ 26  Afo eyenịm idemfo ke edisana ye owo eke asanade;+ Oyonyụn̄ akwan̄a ye owo eke akwan̄ade;+ 27  Koro afo ayanyan̄a mbon ukụt;+ Edi oyosụhọde enyịn iseri enịm.+ 28  Koro afo oyodomo utuenikan̄ mi, O Jehovah;+ Abasi mi ayanam ekịm mi an̄wan̄a.+ 29  Koro afo ayan̄wam mi n̄n̄wana n̄kan otu mbon n̄wo;+ Abasi mi oyonyụn̄ an̄wam mi ndọk ibibene.+ 30  Ata Abasi, usụn̄ esie ọfọn ama;+ Ikọ Jehovah edi edisana.+ Abasi edi otuekọn̄ ọnọ kpukpru mbon oro ẹdade enye ke ebiet ubọhọ mmọ.+ 31  Koro anie edi Abasi ke mîbọhọke Jehovah?+ Anie onyụn̄ edi akwa itiat ke mîbọhọke Abasi nnyịn?+ 32  Ata Abasi edi Enye emi adade odudu ọbọbọ mi ke idem,+ Ndien enye ayanam usụn̄ mi ọfọn ama,+ 33  Anam ukot mi ebiet eke uman edop,+ Onyụn̄ anam mi ndọk nda ke edikon̄ ebiet. + 34  Enye ekpep ubọk mi ndin̄wana ekọn̄,+ Ubọk mi onyụn̄ efịk utịgha okpoho.+ 35  Afo ọyọnọ mi otuekọn̄ edinyan̄a fo,+ Ndien ubọk nnasia fo oyomụm mi akama,+ Nsụhọdeidem fo oyonyụn̄ anam mi n̄kpon.+ 36  Afo ayanam ufan̄ okpon ekem ikpat mi,+ Ndien itọn̄ukot mi idifebekede.+ 37  Nyebịne mme asua mi nnyụn̄ nsịm mmọ; Ndinyụn̄ mfiakke edem tutu nsobo mmọ.+ 38  Nyokpok mmọ n̄ken̄e n̄ken̄e mbak mmọ ẹdidaha ẹda;+ Mmọ ẹyeduọn̄ọ ke idak ikpat mi.+ 39  Ndien afo ayada odudu ekọn̄ ọbọbọ mi ke idem; Afo ayanam mbon oro ẹdahade ẹda ẹn̄wana ye ami ẹduọn̄ọ mi ke idak.+ 40  Amaedi mme asua mi, afo ọyọnọ mi obotitọn̄ mmọ;+ Ndien nyosobo mbon oro ẹnen̄erede ẹsua mi.+ 41  Mmọ ẹseme ẹyom un̄wam, edi andinyan̄a idụhe,+ Ẹkot Jehovah, edi enye iyereke mmọ.+ 42  Ndien nyọkọk mmọ ẹdọrọ nte obu emi ofụm asuande;+ Nyonyụn̄ n̄n̄wan̄a mmọ nduọk nte mbat ke efak.+ 43  Afo ayanyan̄a mi osio ke ubọk mme owo emi ẹdide mme okụt ndudue.+ Afo eyemek mi etubom mme idụt.+ Mbon emi mmemfiọkke ẹyenam n̄kpọ ẹnọ mi.+ 44  Ke ndikokop, mmọ ẹyesụk ibuot ẹnọ mi;+ Mbon esenidụt ẹyedi ẹdinụhọ ẹnọ mi.+ 45  Mbon esenidụt ẹyeyemede, Mmọ ẹyenyụn̄ ẹnyek idem ẹto ke mme ibibene ukpeme mmọ ẹwọn̄ọ ẹdi.+ 46  Jehovah ododu uwem,+ itoro enyene Akwa Itiat mi;+ Ndien yak ẹtoro Abasi edinyan̄a mi.+ 47  Ata Abasi edi Andisio usiene nnọ mi;+ Enye osụhọde mme idụt esịn mi ke idak.+ 48  Enye anam mi mbọhọ mme asua mi oro esịt ayatde;+ Afo eyemenede mi n̄kon̄ n̄kan mbon oro ẹdahade ẹda ẹn̄wana ye ami,+ Afo ayanyan̄a mi osio owo afai ke ubọk.+ 49  Ntak edi oro nditorode fi ke otu mme idụt, O Jehovah,+ Ndien nyọkwọ edinem ikwọ nnọ enyịn̄ fo.+ 50  Enye anam ikpọ n̄kpọ edinyan̄a ọnọ edidem esie+ Onyụn̄ owụt owo esie emi ẹyetde aran ima-mfọnido,+ Kpa David ye mfri esie ke nsinsi.+

Mme Ikọ Idakisọn̄

Heb., “Sheol.”
M̀mê, “mba ofụm.”