Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 17;1-15

Akam David. 17  O Jehovah, kop se inende; kpan̄ utọn̄ ke n̄kpeubọk mi;+Kop akam mi emi mîtoho ke n̄kpọkinua abian̄a.+   Yak edi afo ekpe ikpe mi;+Enyịn fo akpakam okụt se inende.+   Afo omodụn̄ọde esịt mi, amanam ndụn̄ọde ke okoneyo,+Afo amanam mi nsana; afo oyokụt ke nduakke idiọk uduak.+Inua mi ididuehe.+   Amaedi mme edinam owo,Ami mmada ikọ n̄kpọkinua fo n̄kpeme idemmi ke usụn̄ mbon n̄wo.+   Yak ikpat mi ọsọn̄ọ odu ke usụn̄ fo,+Emi ikpatisan̄ mi mîdisehekede.+   Ami mmeseme n̄kot fi, O Abasi, koro afo eyeyere mi.+Kpan̄ utọn̄ nọ mi. Kop ikọ mi.+   Nam mme edinam ima-mfọnido fo ẹdi utịbe,+ O Andinyan̄a mmọ eke ẹyomde ubọhọMan ẹbọhọ mbon emi ẹsọn̄de ibuot ye ubọk nnasia fo.+   Nịm mi nte eyen enyịn fo,+Afo akpakam edịp mi ke mfụt mba fo,+   Ke ntak mme idiọkowo emi ẹbụmede mi.Mme asua emi ẹyomde ukpọn̄ mi ẹkan mi ẹkụk.+ 10  Mmọ ẹda ikpọn̄ mmọ ẹfụk idem;+Ẹnyụn̄ ẹda inua mmọ ẹtịn̄ ikọ ke iseri;+ 11  Mmọ ẹmekan ikpat nnyịn ẹkụk ke emi;+Mmọ ẹwụk enyịn mmọ ẹse isọn̄.+ 12  Enye ebiet ekpe emi ọdọn̄de enye ndiwai mbai mbai+Onyụn̄ ebiet abak ekpe emi etiede ke ndedịbe ebiet. 13  Daha ke enyọn̄, O Jehovah; biọn̄ọ enye iso ye iso;+Sịn enye iso ke isọn̄; da akan̄kan̄ fo nyan̄a ukpọn̄ mi sio idiọkowo ke ubọk,+ 14  Da ubọk fo, O Jehovah, nam mi mbọhọ mme owo,+Mbọhọ mbon editịm n̄kpọ emi,+ emi uwem emi edide udeme mmọ,+Emi afo onyụn̄ ọdọn̄de ndedịbe n̄kpọuto fo ọyọhọ mmọ idịbi,+Emi nditọ ẹyụhọde mmọ+Emi ẹnyụn̄ ẹkpọn̄de se isụhọde ẹnịm ẹnọ nditọ mmọ.+ 15  Amaedi ami, nyokụt iso fo ke edinen ido;+Mbiet fo oyoyụhọ mi ke ini ndemerede.+

Mme Ikọ Idakisọn̄