Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 16;1-11

Miktam David. 16  O Abasi, kpeme mi, koro ndade fi ke ebiet ubọhọ.+   Ami ndọhọ Jehovah nte: “Afo edi Jehovah; eti ido mi idịghe ke ufọn fo,+   Edi, edi ke ufọn ndisana owo emi ẹdude ke isọn̄. Mmọ, kpa ikpọ owo, ẹdi ofụri idatesịt mi.”+   Ubiak mbon emi ẹsọpde ẹtiene abasi efen amawak.+ Ami ndin̄wan̄ake iyịp edin̄wọn̄ uwa mmọ nduọk,+ N̄kpọkinua mi idinyụn̄ ikotke enyịn̄ mmọ.+   Jehovah edi udeme emi ẹbaharede ẹnọ mi+ ye cup emi ẹdemede ẹnọ mi.+ Afo emekpeme udeme mi.   Mme urụk udomon̄kpọ ẹmeduọ ke edifọn ebiet ẹnọ mi.+ Ke akpanikọ, udeme mi ọmọfọn ye ami.   Nyotoro Jehovah emi ọnọde mi item.+ Ke akpanikọ, mme ekpụt mi ẹnen̄ede mi ke okoneyo.+   Mmenịm Jehovah ke iso mi kpukpru ini.+ Koro enye odude mi ke ubọk nnasia, ami ndisehekede.+   Ntem esịt mi adara, ubọn̄ mi onyụn̄ anam mi ndat esịt.+ N̄ko, obụkidem mi oyodụn̄ ke ifụre.+ 10  Koro afo mûdukpọn̄ke ukpọn̄ mi ke Udi.*+ Afo uduyakke owo fo emi ọsọn̄ọde ada okụt obube.+ 11  Afo ayanam mi mfiọk usụn̄ uwem.+ Idara ye uyụhọ ẹdu fi ke iso;+ Inemesịt odu fi ke ubọk nnasia ke nsinsi.+

Mme Ikọ Idakisọn̄

Heb., “Sheol.”