Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 148;1-14

148  Mbufo ẹtoro Jah!+ Ẹtie ke mme heaven ẹtoro Jehovah,+ Ẹtoro enye ke edikon̄ ebiet.+   Ẹtoro enye, mbufo kpukpru mme angel esie.+ Ẹtoro enye, mbufo kpukpru mme udịm esie.+   Utịn ye ọfiọn̄, mbufo ẹtoro enye.+ Kpukpru ntantaọfiọn̄ un̄wana, ẹtoro enye.+   Ẹtoro enye, mbufo n̄kon̄n̄kan heaven,+ Ye mbufo mmọn̄ emi ẹdorode ke ikpaenyọn̄.+   Yak mmọ ẹtoro enyịn̄ Jehovah;+ Koro enye ọkọnọ uyo, ndien mmọ ẹboro.+   Ndien enye anam mmọ ẹda ke nsinsi nsinsi.+ Enye ọmọnọ ewụhọ, ndien idibehe ifep.+   Ẹtoro Jehovah ke isọn̄,+ Mbufo ikpọ unam mmọn̄ ye mbufo kpukpru mme udem,+   Mbufo ikan̄ ye edịm itiat, snow ye n̄kịmn̄kịm nsụn̄ikan̄,+ Afo oyobio, emi anamde uyo esie,+   Mbufo ikpọ obot ye mbufo kpukpru n̄kpri obot,+ Mbufo mme eto mfri ye mbufo kpukpru mme eto cedar,+ 10  Mbufo mme unam ikọt ye mbufo kpukpru ufene,+ Mbufo mme n̄kpọ emi ẹnyọnide ye mme inuen mba,+ 11  Mbufo ndidem isọn̄+ ye mbufo kpukpru mme idụt, Mbufo mbọn̄+ ye mbufo kpukpru mme ebiereikpe ke isọn̄,+ 12  Mbufo n̄kparawa+ ye mbufo n̄kaiferi,+ Mbufo n̄kani iren+ ọkọrọ ye nditọwọn̄.+ 13  Yak mmọ ẹtoro enyịn̄ Jehovah,+ Koro enyịn̄ esie ikpọn̄ enen̄erede okon̄.+ Uku esie okon̄ akan isọn̄ ye enyọn̄.+ 14  Ndien enye eyemenede nnụk ikọt esie,+ Emenede itoro kpukpru mbon oro ẹsọn̄ọde ẹda ye enye,+ Kpa nditọ Israel, emi ẹkperede enye.+ Mbufo ẹtoro Jah!+

Mme Ikọ Idakisọn̄