Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 147;1-20

147  Mbufo ẹtoro Jah,+Koro ọfọnde ndikwọ edinem ikwọ nnọ Abasi nnyịn;+Koro emi enem—⁠enye odot se ẹtorode.+   Jehovah ọbọp Jerusalem;+Enye atan̄ mbon Israel oro ẹsuande obon ọtọkiet.+   Enye ọkọk+ mbon oro esịt mmọ obụn̄ọde,+Onyụn̄ ọbọp mme nde unan mmọ.+   Enye abat ntantaọfiọn̄;+Okot kpukpru mmọ ke enyịn̄.+   Ọbọn̄ nnyịn okpon onyụn̄ enen̄ede okop odudu;+Ifiọk esie akan se ẹbụkde.+   Jehovah ọnọ mbon nsụkidem ifụre;+Enye osụhọde mme idiọkowo enịm ke isọn̄.+   Mbufo ẹkọm Jehovah;+Ẹkwọ edinem ikwọ ẹnọ Abasi ke harp,+   Enye emi adade obubịt enyọn̄ ofụk heaven,+Enye emi anamde edịm edep ke isọn̄,+Enye emi anamde awawa mbiet ẹtịbe ke mme obot.+   Ọnọ mme unam udia mmọ,+Ọnọ nditọ raven emi ẹtuan̄ade.+ 10  Odudu enan̄-mbakara idatke enye esịt,+Mme ukot owo inyụn̄ inemke enye esịt.+ 11  Jehovah enem esịt ye mmọ eke ẹbakde enye,+Ye mmọ eke ẹdoride enyịn ke ima-mfọnido esie.+ 12  O Jerusalem, toro Jehovah.+Toro Abasi fo, O Zion.+ 13  Koro enye amanam mme eto usịnusụn̄ inuaotop fo ẹsọn̄;Enye ọmọdiọn̄ nditọ fo ke ufọt fo.+ 14  Enye esịn emem ke obio fo;+Ada ata eti wheat ọnọ fi oyụhọ.+ 15  Enye ọdọn̄ ikọ esie aka isọn̄;+Ikọ esie ọsọp etieti. 16  Enye ọnọ snow nte idet erọn̄;+Onyụn̄ asuan n̄kpri mbai ice nte ntọn̄.+ 17  Enye otomo ice esie nte mbak uyo.+Anie ekeme ndida tuep esie ke iso?+ 18  Enye osio ikọ+ esie ọdọn̄ onyụn̄ anam mmọ ẹtara.Anam ofụm efịme;+Anam mmọn̄ ọtọi. 19  Enye etịn̄ ikọ esie ọnọ Jacob,+Etịn̄ mme ewụhọ+ esie ye mme ubiereikpe esie ọnọ Israel.+ 20  Enye inamke ntre ye idụt efen ekededi;+Ndien mmọ ifiọkke mme ubiereikpe esie.+Mbufo ẹtoro Jah!+

Mme Ikọ Idakisọn̄