Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 146;1-10

146  Mbufo ẹtoro Jah!+O ukpọn̄ mi, toro Jehovah.+   Ami nyotoro Jehovah ke eyouwem mi.+Nyọkwọ edinem ikwọ nnọ Abasi mi adan̄a nte ndude uwem.+   Mbufo ẹkûbuọt idem ye mbọn̄,+Ẹkûnyụn̄ ẹbuọt ye eyen owo, emi edinyan̄a mîdụhe enye ke ubọk.+   Ibifịk esie ọwọrọ,+ enye afiak ke ntan;+Kpa ke usen oro mme ekikere esie ẹtak.+   Owo emi okopde inemesịt edi owo emi Abasi Jacob edide andin̄wam enye,+Emi odoride enyịn ke Jehovah Abasi esie,+   Kpa Andinam enyọn̄ ye isọn̄,+Inyan̄ ye kpukpru se idude mmọ ke esịt,+Enye emi anamde akpanikọ ke nsinsi,+   Enye emi ekpede ikpe mmọ eke ẹtụkde,+Enye emi ọnọde mbon ọbiọn̄ udia.+Jehovah atat mmọ eke ẹkọbide.+   Jehovah atat mme nnan enyịn;+Jehovah emenede mmọ eke ẹnụhọde;+Jehovah ama ndinen owo.+   Jehovah ekpeme isenowo;+Enye ọnọ eyenakpa ye ebeakpa ifụre,+Edi, enye anam usụn̄+ mme idiọkowo akwan̄a.+ 10  Jehovah eyedi edidem ke nsinsi,+O Zion, Abasi fo eyedi edidem ke ofụri emana.+Mbufo ẹtoro Jah!+

Mme Ikọ Idakisọn̄