Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 145;1-21

Itoro, eke David. א [ʼAleph] 145  Ami nyotoro fi, O Abasi mi, kpa Edidem,+Nyonyụn̄ n̄kọm enyịn̄ fo ke nsinsi nsinsi.+ ב [Behth]   Ami nyọkọm fi kpukpru usen,+Nyonyụn̄ ntoro enyịn̄ fo ke nsinsi nsinsi.+ ג [Gimel]   Jehovah okpon onyụn̄ enen̄ede odot se ẹtorode,+Ubom esie inyeneke adan̄a.+ ד [Daleth]   Ofụri emana ẹyetoro mme utom fo,+Mmọ ẹyenyụn̄ ẹbụk ẹban̄a n̄kpọsọn̄ edinam fo.+ ה [Heʼ]   Ami nyetie n̄kere uku ye uyai ubọn̄ fo+Ye mme utịbe edinam fo.+ ו [Waw]   Ndien mmọ ẹyetịn̄ ẹban̄a odudu mme enyene-ndịk n̄kpọ fo;+Ami nyonyụn̄ ntan̄a ubom fo.+ ז [Zayin]   Mmọ ẹyetịn̄ ẹban̄a akpakịp nti ido fo,+Ẹyenyụn̄ ẹsio n̄kpo idara ke ntak edinen ido fo.+ ח [Chehth]   Jehovah ọfọn ido onyụn̄ enyene esịt mbọm,+Isọpke iyatesịt ndien awak ima-mfọnido.+ ט [Tehth]   Jehovah ọfọn ye kpukpru owo,+Mbọm esie onyụn̄ ọyọhọ ke kpukpru utom esie.+ י [Yohdh] 10  Kpukpru utom fo ẹyetoro fi, O Jehovah,+Mbon oro ẹsọn̄ọde ẹda ye afo ẹyenyụn̄ ẹkọm fi.+ כ [Kaph] 11  Mmọ ẹyetịn̄ ẹban̄a ubọn̄ itie edidem fo,+Ẹyenyụn̄ ẹtịn̄ ẹban̄a odudu fo,+ ל [Lamedh] 12  Man ẹnam nditọ owo ẹfiọk n̄kpọsọn̄ edinam esie+Ye ubọn̄ uyai itie edidem esie.+ מ [Mem] 13  Itie edidem fo edi nsinsi itie edidem,+Ukara fo onyụn̄ ebịghi ke kpukpru emana.+ ס [Samekh] 14  Jehovah an̄wam kpukpru mmọ eke ẹduọn̄ọde,+Onyụn̄ emenede kpukpru mmọ eke ẹnụhọde.+ ע [ʽAyin] 15  Kpukpru enyịn ẹse fi ye idotenyịn,+Afo omonyụn̄ ọnọ mmọ udia mmọ ke ini.+ פ [Peʼ] 16  Afo amatat ubọk fo+Onyụn̄ oyụhọ udọn̄ kpukpru mme odu-uwem n̄kpọ.+ צ [Tsadheh] 17  Jehovah enen ke kpukpru usụn̄ esie+Onyụn̄ anam akpanikọ ke kpukpru edinam esie. ק [Qohph] 18  Jehovah emekpere kpukpru mbon oro ẹsemede ẹkot enye,+Emekpere kpukpru mbon oro ẹsemede ẹkot enye ke akpanikọ.+ ר [Rehsh] 19  Enye ayanam se idọn̄de mbon oro ẹbakde enye,+Ndien enye oyokop eseme emi mmọ ẹsemede ẹyom un̄wam, onyụn̄ anyan̄a mmọ.+ ש [Shin] 20  Jehovah ekpeme kpukpru mbon oro ẹmade enye,+Edi enye oyosobo kpukpru mme idiọkowo.+ ת [Taw] 21  Inua mi eyetịn̄ itoro Jehovah;+Ndien yak kpukpru obụkidem ẹkọm edisana enyịn̄ esie ke nsinsi nsinsi.+

Mme Ikọ Idakisọn̄