Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 144;1-15

Eke David. 144  Itoro enyene Jehovah Akwa Itiat mi,+ Emi ekpepde ubọk mi en̄wan,+ Ekpep nnuenubọk mi ekọn̄;   Emi owụtde mi ima-mfọnido onyụn̄ edide ọkpọsọn̄ ebiet mi,+ Edikon̄ ebiet ubọhọ mi ye Andinyan̄a mi,+ Otuekọn̄+ mi ye Enye emi nnyenede ke ebiet ubọhọ,+ Enye emi anamde mme owo ẹsụk ibuot ẹnọ mi.+   O Jehovah, owo edi nso eke afo ekerede aban̄a enye,+ Eyen owo+ edi nso eke afo abatde enye ke n̄kpọ?   Owo ebiet ibifịk;+ Mme usen esie ẹtie nte mbukpọn̄ emi ebede efep.+   O Jehovah, nụk enyọn̄ fo man afo asan̄a osụhọde;+ Tụk mme obot man mmọ ẹsion̄o nsụn̄ikan̄.+   Nam emịnen̄mịnen̄ asiaha man afo asuan mmọ;+ Sio idan̄ fo dọn̄ man afo etịmede mmọ.+   Tie ke edikon̄ ebiet sio ubọk fo nyan;+ Nam mi mbọhọ nyụn̄ nyan̄a mi sio ke ediwak mmọn̄,+ Ye ke ubọk mbon esenidụt,+   Emi inua mmọ etịn̄de se mîdịghe akpanikọ+ Ubọk nnasia mmọ onyụn̄ edide ubọk nnasia abian̄a.+   O Abasi, ami nyọkwọ obufa ikwọ nnọ fi.+ Nyada ndido urụk duop n̄kwọ edinem ikwọ nnọ fi,+ 10  Enye emi ọnọde ndidem edinyan̄a,+ Enye emi anamde David asan̄autom esie ọbọhọ idiọk akan̄kan̄.+ 11  Nam mi mbọhọ nyụn̄ nyan̄a mi sio ke ubọk mbon esenidụt,+ Emi inua mmọ etịn̄de se mîdịghe akpanikọ+ Ubọk nnasia mmọ onyụn̄ edide ubọk nnasia abian̄a,+ 12  Emi ẹdọhọde ẹte: “Nditọiren nnyịn ẹbiet n̄kpri eto emi ẹma ẹkekọri ẹkponi ke uyen mmọ,+ Nditọiban nnyịn ẹbiet mme inụk emi ẹsọide ke ido ufọk ubọn̄, 13  Mme itie ubon wheat nnyịn ẹyọhọ ye mbun̄wụm ke orụk ke orụk,+ Ufene nnyịn ẹtọt ke mme itie tọsịn, kiet akabade tọsịn duop, ke mme efak nnyịn, 14  Mme enan̄ nnyịn ẹyomo idịbi, iwakke nditọ, idịbi inyụn̄ ibụn̄ọke,+ Mfiori inyụn̄ idụhe ke an̄wa obio nnyịn.+ 15  Mbon emi n̄kpọ etiede ntem ye mmọ ẹkop inemesịt!” Mbon emi Jehovah edide Abasi mmọ ẹkop inemesịt!+

Mme Ikọ Idakisọn̄