Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 141;1-10

Ikwọ David. 141  O Jehovah, mmeseme n̄kot fi.+Wara di bịne mi.+Kpan̄ utọn̄ ke uyo mi ke ini n̄kotde fi.+   Yak akam mi etie nte incense+ ke iso fo,+Yak ubọk emi mmenerede etie nte uwa n̄kpasịp mbubreyo.+   Nịm owo ukpeme nọ inua mi, O Jehovah;+Nịm andikpeme nọ n̄kpọkinua mi.+   Kûyak esịt mi ọwọn̄ọde ebịne se ededi oro ọdiọkde,+Mbak ndinam oburobụt edinam idiọkido+Ye mbon ibak,+Mbak ndibọk idem mi ke ndién mmọ.+   Edinen owo akpamia mi, emi edidi ima-mfọnido;+Enye okponyụn̄ asua ọnọ mi, emi edidi aran ke ibuot mi,+Emi ibuot mi mîdisịnke.+Ami nyosụk mbọn̄ akam mban̄a mmọ, idem ke ini afanikọn̄ mmọ.+   Ẹmetop mme ebiereikpe mmọ ẹduọn̄ọ ke mben akwa itiat,+Edi mmọ ẹmekop ikọ mi, nte ke enem.+   Kpa nte owo asiakde ifia ke isọn̄,Ntre ke ẹsuan ọkpọ nnyịn ke inua Udi.*+   Edi, enyịn mi ese fi,+ O Jehovah Akakan Ọbọn̄ Andikara.+Ami nnyene fi ke ebiet ubọhọ.+Kûn̄wan̄a ukpọn̄ mi uduọk.+   Kpeme mi sio ke edet afia emi mmọ ẹkọkde ẹnọ mi+Ye mme ekpọ mbon ibak.+ 10  Mme idiọkowo ẹyeduọn̄ọ ke iyịre mmọ,+Ke adan̄aemi ami nsan̄ade mbe.

Mme Ikọ Idakisọn̄

Heb., “Sheol.”