Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 140;1-13

Ẹnọ adausụn̄. Ikwọ David. 140  O Jehovah, nyan̄a mi sio ke ubọk mme idiọkowo;+ Afo akpakam ekpeme mi mbak owo afai,+   Mbak mbon oro ẹduakde idiọk uduak ke esịt mmọ,+ Emi ẹn̄wanade ye ami ofụri usen nte n̄kpọ eke ẹn̄wanade ekọn̄.+   Mmọ ẹmeban edeme mmọ ọsọp nte edeme urụkikọt;+ Ifọt ibọm odu mmọ ke n̄kpọkinua.+ Selah.   O Jehovah, kpeme mi sio ke ubọk idiọkowo;+ Kpeme mi mbak owo afai,+ Mbak mbon emi ẹduakde ndinam mi ntuak ukot nduọ.+   Mbon emi ẹmenerede idem ke enyọn̄ ẹmedịp afia ẹnọ mi;+ Mmọ ẹmenyụn̄ ẹyịri mme urụk ke mbenusụn̄ nte iyịre.+ Mmọ ẹmesịn ekpọ ẹnọ mi.+ Selah.   Mmọdọhọ Jehovah nte: “Afo edi Abasi mi.+ Biọn̄ utọn̄ ke uyo eseme mi, O Jehovah.”+   O Jehovah Akakan Ọbọn̄ Andikara,+ odudu edinyan̄a mi,+ Afo omofụk mi ibuot ke usen ekọn̄.+   O Jehovah, kûyak idiọkowo anam udọn̄ esie.+ Kûyak odu esie okụt unen, mbak enye edimenede idem.+ Selah.   Amaedi ibuot mbon oro ẹkande mi ẹkụk,+ Afanikọn̄ n̄kpọkinua mmọ akpakam ofụk mmọ.+ 10  Yak ẹdori mmọ mbubek ikan̄ ke ibuot.+ Yak ẹnam mmọ ẹduọn̄ọ ẹdụk ikan̄+ ye obube mmọn̄, man mmọ ẹkûdaha ẹda.+ 11  Owo n̄kponinua—yak enye okûsọn̄ọ odu ke isọn̄.+ Owo afai—yak idiọkn̄kpọ oyom enye okụt onyụn̄ aka iso eyịbi enye.+ 12  Mmetịm mfiọk ke Jehovah eyekpe ikpe+ Owo ukụt, onyụn̄ ebiere ikpe nte enende ọnọ mme ubuene.+ 13  Ke akpanikọ nti owo ẹyekọm enyịn̄ fo;+ Ndinen owo ẹyedụn̄ ke iso fo.+

Mme Ikọ Idakisọn̄