Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 14;1-7

Ẹnọ adausụn̄. Eke David. 14  Anana-ibuot owo ọdọhọ ke esịt esie ete:“Jehovah idụhe.”+Mmọ ẹmenam se idade nsobo idi,+ edinam mmọ ẹdi mbubiam.Idụhe owo eke anamde se ifọnde.+   Amaedi Jehovah, enye etie ke heaven osụk iso ese nditọ owo,+Ete ise m̀mê odu owo ekededi emi enyenede ikike, owo ekededi emi oyomde Jehovah.+   Kpukpru mmọ ẹmewaha ẹkpọn̄ usụn̄,+ kpukpru mmọ ẹmebiara;+Idụhe owo eke anamde se ifọnde,+Baba kiet idụhe.+   Nte idụhe baba owo ibak kiet emi enyenede ifiọk,+Emi mmọ ẹtade ikọt mi nte ẹta uyo?+Mmọ ikam isemeke ikot Jehovah.+   Akwa ndịk anam mmọ do,+Koro Jehovah odude ke otu emana ndinen owo.+   Mbufo ẹmesuene uduak owo ukụt,Koro Jehovah edide ebiet ubọhọ esie.+   Ubaha nte edinyan̄a Israel okpotode Zion!+Ke ini Jehovah afiakde atan̄ ikọt esie emi ẹkemụmde nte mbuotekọn̄ ọnyọn̄ edi,+Yak Jacob adara, yak Israel adat esịt.+

Mme Ikọ Idakisọn̄