Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 139;1-24

Ẹnọ adausụn̄. Eke David. Ikwọ. 139  O Jehovah, afo omodụn̄ọde mi, omonyụn̄ ọfiọk mi.+   Afo ọmọfiọk ini emi nsụhọrede ntie ye ini emi ndahade nda.+Afo emetie ke anyan usụn̄ ọfiọk ekikere mi.+   Afo ọmọfiọk isan̄ mi ye ebiet nduọkodudu mi,+Omonyụn̄ emehe ye kpukpru usụn̄ mi.+   Koro idụhe ikọ emi odude mi ke edeme,+O Jehovah, sese! afo ọmọfiọk mmọ kpukpru.+   Afo amakan mi okụk, ke iso ye ke edem;Omonyụn̄ odori mi ubọk ke idem.   Utọ ifiọk emi edi ata utịbe ọnọ mi.+Enye enen̄ede okon̄ tutu n̄kemeke ndisịm.+   Ami n̄keme ndika m̀mọ̀n̄ mbọhọ spirit fo,+Nnyụn̄ n̄keme ndifehe n̄ka m̀mọ̀n̄ mbọhọ iso fo?+   N̄kpọdọk ke enyọn̄, afo oyodu do;+N̄kponyụn̄ mbri mbri mi ke Udi,* sese! afo oyodu do.+   N̄kpemen mba+ usiere,Man n̄kodụn̄ ata nsannsan ke inyan̄,+ 10  Do, n̄ko, ubọk fo ayada mi usụn̄+Ubọk nnasia fo oyonyụn̄ omụm mi.+ 11  Ndien n̄kpọdọhọ nte: “Ekịm ọyọsọp ofụk mi!”+Do okoneyo ayakabade edi un̄wana akan mi okụk.+ 12  Ekịm idikam inen̄ekede ikịm inọ fi,+Okoneyo ayan̄wan̄a nte uwemeyo;+Ekịm ayayama n̄ko nte un̄wana.+ 13  Koro afo akanamde mme ekpụt mi;+Afo ama ekwi mi ke idịbi eka mi.+ 14  Nyotoro fi koro afo akanamde mi ke utịbe utịbe usụn̄ emi enyenede ndịk.+Mme utom fo ẹdi utịbe,+Nte ukpọn̄ mi etịmde ọfiọk.+ 15  Mme ọkpọ mi ikedịbeke fi+Ke ini ẹkenamde mi ke ndịbe ebiet,+Ke ini n̄koborode ke ata usụhọde ebiet+ ke isọn̄. 16  Enyịn fo ama okụt mi ke ini n̄kedide ọbọn̄eyen,+Ndien ẹma ẹwewet kpukpru ndido esie ẹsịn ke n̄wed fo,Mbemiso usen emi mmọ ẹkeborode+Baba mmọ kiet mîkonyụn̄ idụhe. 17  Ekikere fo ẹsọn̄ urua didie ntem ke enyịn mi!+O Abasi, ofụri ibat mmọ ẹwak didie ntem!+ 18  N̄kpododomo ndibat mmọ, mmọ ẹwak ẹkan ntan.+Ke ini ndemerede, ami nsụk ndu ye afo.+ 19  O Abasi, ubaha nte afo okpowotde idiọkowo!+Do, mbon emi ẹnyenede ubiomikpe iyịp+ ẹkpedaha ẹkpọn̄ mi, 20  Emi ẹtịn̄de idiọk ẹban̄a fi nte ekikere mmọ edide;+Mmọ ẹmetomo enyịn̄ fo nte mîdotke+—⁠mme asua fo.+ 21  O Jehovah, nte ami nsuaha mbon oro ẹnen̄erede ẹsua fi,+Nte esịt inyụn̄ itekke mi iban̄a mbon oro ẹsọn̄de ibuot ye afo?+ 22  Mmasua mmọ ke ofụri esịt mi.+Mmọ ẹmekabade ẹdi ata mme asua mi.+ 23  O Abasi, dụn̄ọde mi nyụn̄ fiọk esịt mi.+Domo mi se, nyụn̄ fiọk ekikere mi,+ 24  Nyụn̄ se m̀mê idiọk ekikere odu mi ke esịt,+Ndien da mi san̄a ke nsinsi usụn̄.+

Mme Ikọ Idakisọn̄

Heb., “Sheol.”