Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 135;1-21

135  Mbufo ẹtoro Jah!+ Ẹtoro enyịn̄ Jehovah,+ Ẹtoro Jehovah, O mbufo mme asan̄autom esie,+   Mbufo emi ẹdade ke ufọk Jehovah,+ Ke mme okụre ufọk Abasi nnyịn.+   Ẹtoro Jah, koro Jehovah ọfọnde.+ Ẹkwọ edinem ikwọ ẹnọ enyịn̄ esie, koro emi ọfọnde.+   Koro Jah emekde Jacob ọnọ idemesie,+ Emek Israel ke akpan inyene esie.+   Koro ami mmetịm mfiọk nte ke Jehovah omokpon,+ Ọbọn̄ nnyịn onyụn̄ okon̄ akan kpukpru mme abasi eken.+   Jehovah amanam kpukpru n̄kpọ oro enye amade ndinam+ Ke enyọn̄ ye ke isọn̄, ke mme inyan̄ ye ke kpukpru mme udem.+   Enye anam ntụhube oto ke utịt isọn̄ ọdọk;+ Anam usụn̄ mmọn̄ ọnọ edịm;+ Anam ofụm oto mme ufọk ubonn̄kpọ esie ọwọrọ,+   Enye emi okowotde akpa nditọ ke Egypt,+ Ke owo ye ke unam.+   Enye ọdọn̄ mme idiọn̄ọ ye mme utịben̄kpọ ke ufọt fo, O Egypt,+ Ọnọ Pharaoh ye ofụri ikọt esie;+ 10  Enye emi okosobode ediwak idụt+ Okonyụn̄ owotde n̄kpọsọn̄ ndidem,+ 11  Sihon edidem mme Amorite+ Ye Og edidem Bashan+ Ọkọrọ ye kpukpru mme obio ubọn̄ Canaan,+ 12  Emi okonyụn̄ ọnọde isọn̄ mmọ nte udeme,+ Ọnọ ikọt esie Israel udeme.+ 13  O Jehovah, enyịn̄ fo ebịghi ke nsinsi.+ O Jehovah, se ẹdade ẹti fi ebịghi ke ofụri emana.+ 14  Koro Jehovah eyekpe ikpe ikọt esie,+ Enye oyonyụn̄ atua mme asan̄autom esie mbọm.*+ 15  Ndisọi mbiet mme idụt ẹdi silver ye gold,+ Kpa utom ubọk owo.+ 16  Mmọ ẹnyene inua, edi ikemeke nditịn̄ ikọ;+ Ẹnyene enyịn, edi ikemeke ndikụt n̄kpọ;+ 17  Mmọ ẹnyene utọn̄, edi ikemeke ndikop n̄kpọ.+ N̄ko, ibifịk idụhe mmọ ke ndudu ibuo.+ 18  Mmọ eke ẹnamde mmọ ẹyekabade ẹtie nte mmọ,+ Kpa kpukpru mmọ eke ẹbuọtde idem ke mmọ.+ 19  O ufọk Israel, mbufo ẹtoro Jehovah.+ O ufọk Aaron, mbufo ẹtoro Jehovah.+ 20  O ufọk Levi, mbufo ẹtoro Jehovah.+ Mbufo emi ẹbakde Jehovah, ẹtoro Jehovah.+ 21  Yak ẹtie ke Zion ẹtoro Jehovah,+ Emi odụn̄de ke Jerusalem.+ Mbufo ẹtoro Jah!+

Mme Ikọ Idakisọn̄

At. Ed., “atua n̄kpọfiọk aban̄a mme asan̄autom esie.”