Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 122;1-9

Ikwọ Mmọ emi Ẹdọkde. Eke David. 122  Mma nsidat esịt ke ini mmọ ẹdọhọde mi ẹte:+ “Ẹyak nnyịn ika+ ufọk Jehovah.”+   Ukot nnyịn ke ada+ Ke inuaotop fo, O Jerusalem.+   Ẹbọp Jerusalem nte akwa obio+ Emi ẹbọpde ẹyịri kiet,+   Emi mme esien ẹdọkde ẹka,+ Kpa mme esien Jah,+ Nte ewụhọ emi ẹkenọde Israel+ Man ẹkekọm enyịn̄ Jehovah.+   Koro mme ebekpo ikpe ẹdiọhọde do,+ Kpa mme ebekpo ufọk David.+   O mbufo ẹben̄e emem ẹnọ Jerusalem.+ O obio, mbon oro ẹmade fi ẹyedu ke ifụre.+   Yak emem aka iso odu ke esịt ibibene fo,+ Ifụre onyụn̄ odu ke mme tọwa ufọkidụn̄ fo.+   Ke ntak nditọete mi ye mme nsan̄a mi, ami nyọdọhọ ke emi nte:+ “Yak emem odu fi ke esịt.”+   Ke ntak ufọk Jehovah Abasi nnyịn+ Ami nyoyom ufọn fo.+

Mme Ikọ Idakisọn̄