Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 116;1-19

116  Mmama, koro Jehovah okopde+ Uyo mi ye eseme mi.+   Koro enye akpan̄de utọn̄ ọnọ mi,+ Ami nyonyụn̄ nseme n̄kot enye ke ofụri usen uwem mi.+   Mme urụk n̄kpa ẹkanade mi ẹkụk+ Nnanenyịn Udi* onyụn̄ esịm mi.+ Mmokụt nnanenyịn ye mfụhọ.+   Edi ami nseme n̄kot enyịn̄ Jehovah, nte:+ “Mbọk, Jehovah, nyan̄a ukpọn̄ mi!”+   Jehovah ọfọn ido onyụn̄ enen;+ Abasi nnyịn onyụn̄ edi Enye emi atuade owo mbọm.+   Jehovah ekpeme mme ọkọi.+ Ami n̄kodu ke nnanenyịn, ndien enye anyan̄a mi.+   Fiak nyọn̄ itie nduọkodudu fo, O ukpọn̄ mi,+ Koro Jehovah amanam se ifọnde ye afo.+   Koro afo amanyan̄a ukpọn̄ mi osio ke n̄kpa,+ Ye enyịn mi ke mmọn̄eyet ye ukot mi ke iduọ.+   Ami nyasan̄a+ ke iso Jehovah ke isọn̄ mme odu-uwem.+ 10  Mma nnyene mbuọtidem,+ oro akanam ntịn̄ ikọ.+ Mma nnen̄ede n̄kụt ukụt. 11  Ke ini idem ekenyekde mi, mma ndọhọ nte:+ “Kpukpru owo ẹdi mme osu nsu.”+ 12  Nso ke ami ndinọ Jehovah ke usiene+ Ke kpukpru mfọn emi enye ọfọnde ye ami?+ 13  Ami nyemen cup akwa edinyan̄a,+ Nyonyụn̄ nseme n̄kot enyịn̄ Jehovah.+ 14  Nyosio mme akan̄a mi nnọ Jehovah,+ Ke iso ofụri ikọt esie. 15  N̄kpa mbon emi ẹsọn̄ọde ẹda ye Jehovah Edi ọsọn̄urua n̄kpọ ke enyịn esie.+ 16  Mbọk, O Jehovah,+ Sese ami ndi asan̄autom fo.+ Ami ndi asan̄autom fo, eyen ofụn an̄wan fo.+ Afo amatat mi n̄kpọkọbi.+  17  Ami nyawa uwa ekọm nnọ fi,+ Nyonyụn̄ nseme n̄kot enyịn̄ Jehovah.+ 18  Nyosio mme akan̄a mi nnọ Jehovah,+ Ke iso ofụri ikọt esie,+ 19  Ke mme okụre ufọk Jehovah,+ Ke ufọt fo, O Jerusalem.+ Mbufo ẹtoro Jah!+

Mme Ikọ Idakisọn̄

Heb., “Sheol.”