Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 115;1-18

115  Nnyịn idotke ke usụn̄ ndomokiet,+ O Jehovah, nnyịn idotke ke usụn̄ ndomokiet, Edi nọ enyịn̄ fo ubọn̄+ Nte ima-mfọnido fo edide, nte akpanikọ fo onyụn̄ edide.+   Ntak emi mme idụt ẹkpedọhọde ẹte:+ “Enye ndien Abasi mmọ?”+   Edi Abasi nnyịn odu ke mme heaven;+ Enye amanam kpukpru n̄kpọ oro enye amade ndinam.+   Ndisọi mbiet mmọ ẹdi silver ye gold,+ Kpa utom ubọk owo.+   Mmọ ẹnyene inua, edi ikemeke nditịn̄ ikọ;+ Ẹnyene enyịn, edi ikemeke ndikụt n̄kpọ;+   Mmọ ẹnyene utọn̄, edi ikemeke ndikop n̄kpọ.+ Ẹnyene ibuo, edi ikemeke ndin̄wụne.+   Mmọ ẹnyene ubọk, edi ikemeke nditụk n̄kpọ.+ Ẹnyene ukot, edi ikemeke ndisan̄a;+ Mmọ isioroke uyo ke itọn̄ mmọ.+   Mmọ eke ẹnamde mmọ ẹyekabade ẹtie nte mmọ,+ Kpa kpukpru mmọ eke ẹbuọtde idem ye mmọ.+   O Israel, ẹbuọt idem ye Jehovah;+ Enye edi andin̄wam mbufo ye otuekọn̄ mbufo.+ 10  O ufọk Aaron, mbufo ẹbuọt idem ye Jehovah;+ Enye edi andin̄wam mbufo ye otuekọn̄ mbufo.+ 11  Mbufo emi ẹbakde Jehovah, ẹbuọt idem ye Jehovah;+ Enye edi andin̄wam mbufo ye otuekọn̄ mbufo.+ 12  Jehovah emeti nnyịn; enye ọyọdiọn̄ nnyịn,+ Enye ọyọdiọn̄ ufọk Israel,+ Enye ọyọdiọn̄ ufọk Aaron.+ 13  Enye ọyọdiọn̄ mmọ eke ẹbakde Jehovah,+ N̄kpri ye ikpọ.+ 14  Jehovah ayanam mbufo ẹtọt,+ Mbufo ye nditọ mbufo.+  15  Mbufo ẹdi mmọ eke Jehovah ọdiọn̄de,+ Kpa Andinam enyọn̄ ye isọn̄.+ 16  Heaven enyene Jehovah,+ Edi enye ada isọn̄ ọnọ nditọ owo.+ 17  Mme akpan̄kpa itoroke Jah,+ Baba owo kiet eke osụhọrede ke ndobo itoroke enye.+ 18  Edi nnyịn iyotoro Jah+ Ke emi ye ke nsinsi.+ Mbufo ẹtoro Jah!+

Mme Ikọ Idakisọn̄