Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 109;1-31

Ẹnọ adausụn̄. Eke David. Ikwọ. 109  O Abasi emi ami ntorode,+ kûdop uyo.+   Koro idiọkowo ye owo abian̄a ẹmetat inua ẹtịn̄ ikọ ẹbiat mi.+ Mmọ ẹmeda edeme nsu ẹtịn̄ ikọ ẹban̄a mi;+   Mmọ ẹnyụn̄ ẹda ikọ usua ẹkan mi ẹkụk,+ Ẹnyụn̄ ẹn̄wana ye ami ke unana ntak.+   Mmọ ẹbiọn̄ọ mi ke usiene ima mi;+ Edi ami mmọbọn̄ akam.+   Ndien mmọ ẹda idiọk ẹsio mi usiene eti+ Ẹnyụn̄ ẹda usua ẹsio mi usiene ima mi.+   Mek idiọkowo akara enye, Nyụn̄ yak andibiọn̄ọ+ ada ke ubọk nnasia esie.   Ke ini ekpede ikpe esie, yak ikpe etịp enye nte idiọkowo; Yak akam esie onyụn̄ akabade idiọkn̄kpọ.+   Yak mme usen esie ẹdi esisịt;+ Yak owo efen ada itieutom esie nte esenyịn.+   Yak nditọ esie ẹkabade nditọakpa+ N̄wan esie onyụn̄ akabade ebeakpa.+ 10  Yak nditọ esie ẹkûtre ndiyo nsan̄a;+ Yak mmọ ẹnyụn̄ ẹben̄e eben̄e, Nyụn̄ yak mmọ ẹwọrọ ke n̄wụre ebiet mmọ ẹkeyom udia.+ 11  Yak ọnọ-ebuọt ada n̄kari atan̄ kpukpru se enye enyenede,+ Yak isenowo+ ẹnyụn̄ ẹbụme se enye akpade utom ke esịt.+ 12  Yak enye okûnyene owo ndomokiet eke owụtde enye ima-mfọnido,+ Yak owo ndomokiet okûnyụn̄ ọfọn nditọakpa esie mfọn. 13  Yak ẹsịbe ubon esie ẹfep.+ Yak ẹnyụn̄ ẹsọhi enyịn̄ mmọ ẹfep ke emana ini iso.+ 14  Yak Jehovah eti ndudue mme ete ete esie,+ Amaedi idiọkn̄kpọ eka esie+—yak ẹkûsọhi enye ẹfep.+ 15  Yak mmọ ẹdu ke iso Jehovah kpukpru ini;+ Yak enye onyụn̄ esịbe se ẹdade ẹti mmọ efep ke isọn̄;+ 16  Koro enye mîketịghi ndiwụt ima-mfọnido,+ Edi ebịne owo ukụt ye ubuene+ Ye owo eke esịt anuahade, ete iwot enye.+ 17  Ndien enye ama isụn̄i,+ isụn̄i onyụn̄ esịm enye;+ Enye imaha edidiọn̄,+ Ntre edidiọn̄ odu nsannsan ọkpọn̄ enye;+ 18  Ndien enye esịne isụn̄i ke idem nte ọfọn̄.+ Ntre isụn̄i odụk enye idem nte mmọn̄+ Onyụn̄ odụk enye ọkpọ nte aran. 19  Yak isụn̄i oro etie nte ọfọn̄ emi enye adade ofụk idemesie+ Ye nte mbọbọ emi enye ọbọbọde kpukpru ini.+ 20  Emi edi utịp oro Jehovah ọnọde owo eke ọbiọn̄ọde mi+ Ye mbon oro ẹtịn̄de idiọk ẹdian ukpọn̄ mi.+ 21  Edi afo edi Jehovah kpa Akakan Ọbọn̄ Andikara.+ Fọn mfọn ye ami ke ntak enyịn̄ fo.+ Nyan̄a mi, koro ima-mfọnido fo ọfọnde.+ 22  Koro ami ndi owo ukụt ye ubuene,+ Ẹnyụn̄ ẹnọ esịt mi unan.+ 23  Ẹnam mi ndaha nte mbukpọn̄ emi adahade ke ini utịn osopde;+ Ẹkpọri mi ẹfep nte n̄kukun̄kpọyọriyọ. 24  Edọn̄ mi ẹmefụm ke ntak utreudia,+ Obụkidem mi onyụn̄ asat ke ntak unana aran.+ 25  Ndien ami n̄kabade n̄kpọ esuene nnọ mmọ.+ Mmọ ẹkụt mi—ẹfụn̄ ibuot.+ 26  N̄wam mi, O Jehovah Abasi mi;+ Nyan̄a mi nte ima-mfọnido fo edide.+ 27  Ndien yak mmọ ẹfiọk ẹte ke emi edi ubọk fo;+ Nte ke afo, O Jehovah, anam emi.+ 28  Yak mmọ ẹsụn̄i mi,+ Edi afo akpakam ọdiọn̄ mi.+ Mmọ ẹmedaha ẹda, edi yak bụt anam mmọ,+ Yak asan̄autom fo onyụn̄ adara.+ 29  Yak mmọ eke ẹbiọn̄ọde mi ẹsịne esuene ke idem,+ Yak mmọ ẹda bụt ẹfụk idemmọ nte anana-ubọk kod.+ 30  Nyenen̄ede ntoro Jehovah ke inua mi,+ Nyonyụn̄ ntoro enye ke otu ediwak owo.+ 31  Koro enye ayada eyen ubuene ke ubọk nnasia,+ Man anyan̄a enye osio ke ubọk mmọ eke ẹkpede ikpe ẹnọ ukpọn̄ esie.

Mme Ikọ Idakisọn̄